ساياسات • 27 قىركۇيەك، 2022

پرەمەر-مينيستر بىرىككەن اراب امىرلىكتەرىنىڭ دەلەگاتسياسىمەن كەزدەستى

44 رەت كورسەتىلدى

قازاقستان پرەمەر-ءمينيسترى ءاليحان سمايىلوۆ ءباا ورتالىق بانكىنىڭ توراعاسى حالەد مۇحاممەد سالەم بالاما باستاعان بىرىككەن اراب امىرلىكتەرى دەلەگاتسياسىمەن كەزدەسۋ وتكىزدى، دەپ حابارلايدى Egemen.kz ۇكىمەتتىڭ ءباسپاسوز قىزمەتىنە سىلتەمە جاساپ.

كەزدەسۋ بارىسىندا تاراپتار ينۆەستيتسيا تارتۋ، ەكى ەلدىڭ ىسكەر توپتارىنىڭ بايلانىستارىن نىعايتۋ جانە بانك سالاسىنداعى ىنتىماقتاستىق ماسەلەلەرىن تالقىلادى.

ءاليحان سمايىلوۆ تاياۋداعى ءباا-گە رەسمي ساپارىنىڭ قورىتىندىسى بويىنشا ەكى ەل اراسىندا كوپتەگەن ۆەدومستۆوارالىق جانە كوممەرتسيالىق قۇجاتتارعا قول قويىلعانىن، ينۆەستيتسيالىق ىنتىماقتاستىقتى ودان ءارى ارتتىرۋ بويىنشا ۋاعدالاستىقتارعا قول جەتكىزىلگەنىن ەسكە سالدى.

ء«بىز ءوزارا ءىس-قيمىلعا ۇلكەن ماڭىز بەرەمىز جانە ەكىجاقتى قارىم-قاتىناستار دەڭگەيىن ارتتىرۋعا نيەتتىمىز»، دەدى پرەمەر-مينيستر. 

ءوز كەزەگىندە حالەد مۇحاممەد سالەم بالاما قازىرگى ۋاقىتتا اراب ينۆەستورلارى ىنتىماقتاستىق تۋرالى ۇسىنىستاردى ەگجەي-تەگجەيلى زەردەلەپ جاتقانىن، سودان كەيىن ولاردى ىسكە اسىرۋعا كوشەتىنىن اتاپ ءوتتى.

«بۇگىن ينۆەستيتسيالىق ىنتىماقتاستىق ءۇشىن جاقسى مۇمكىندىكتەر اشىلىپ جاتىر. مەن قازاقستان ۇكىمەتىنە وسى باعىتتا كورسەتىلىپ جاتقان قولداۋ ءۇشىن العىسىمدى بىلدىرگىم كەلەدى»، دەدى ءباا ورتالىق بانكىنىڭ باسشىسى. 

ايتا كەتسەك، ءباا دەلەگاتسياسىنىڭ قۇرامىندا بۇعان دەيىن قازاقستاندا ينۆەستيتسيالىق جوبالاردى ىسكە قوسۋعا قىزىعۋشىلىق تانىتقان «Mubadala» جانە «ADQ» ءىرى كومپانيالارىنىڭ وكىلدەرى دە بار.

سوڭعى جاڭالىقتار

دوللار باعامى تومەندەدى

قارجى • بۇگىن، 16:10

ۇقساس جاڭالىقتار