وڭىرلىك كوممۋنيكاتسيالار قىزمەتىنىڭ بريفينگىندە ارمان قىرىقباەۆ مەملەكەت باسشىسىنىڭ تاپسىرماسىنا سايكەس قالا اكىمدىگى رەسەي فەدەراتسياسىنان كەلەتىن ازاماتتار سانىنىڭ ارتۋىنا بايلانىستى جاعدايدى رەتتەۋگە باعىتتالعان بىرقاتار شارالار قابىلداپ جاتقانىن ايتتى. اكىم ەربولات دوساەۆ ارنايى جوسپار بەكىتتى.
«دۇربەلەڭگە ەش نەگىز جوق. قولىمىزدا بار رەسمي دەرەكتەرگە سايكەس, كورشى ەلدە ءىشىنارا جۇمىلدىرۋ باستالعالى بەرى الماتى قالاسىنا رەسەي فەدەراتسياسىنىڭ 5066 ازاماتى كەلسە, 4172-ءسى وسى جەردەن كەتىپ ۇلگەرگەن», دەدى ارمان قىرىقباەۆ.
اكىمنىڭ ورىنباسارى جاتاقحانالار باقىلاۋعا الىنعانىن اتاپ ءوتتى.
«وسى ارالىقتا ءبىزدىڭ جاتاقحانالار قىزمەتىنە رەسەيدىڭ 2 مىڭنان استام ازاماتى جۇگىندى, رەزەرۆتە 1000-نان استام توسەك بار. سوندىقتان قالامىزعا كەلگەن ازاماتتاردى ورنالاستىرۋ بويىنشا ەشقانداي ماسەلە جوق. قاجەت بولسا, قالادا قوسىمشا ءۇي-جايلاردى ورنالاستىرۋعا بارلىق مۇمكىندىكتەر بار, ولار قازىردىڭ وزىندە بەلگىلەنگەن. ەگەر وتە قاجەت بولسا, شاتىرلى قالاشىقتاردى ورنالاستىرا الامىز. بىراق ولاي بولمايتىنىنا سەنىمدىمىز», دەپ قوستى اكىم ورىنباسارى.
