«ەلەكتروندىق ۇكىمەتتى» دامىتۋ دەڭگەيى بويىنشا 38-ورىندامىز

استانا. 19 مامىر. بۇۇ رەيتينگىسى كورسەتىپ بەرگەندەي, 190 ەلدىڭ اراسىندا قازاقستان «ەلەكتروندىق ۇكىمەتتى» دامىتۋ دەڭگەيى بويىنشا 38-ورىنعا يە بولدى. ASTEX-2014 اقىلدى تەحنولوگيالار كورمە-كونفەرەنتسياسىنىڭ اشىلۋىندا  بايلانىس جانە اقپارات اگەنتتىگىنىڭ توراعاسى اسقار جۇماعاليەۆ وسىلاي دەدى. بۇل تۋرالى primeminister.kz حابارلادى. جيىندا اسقار جۇماعاليەۆ: «ەلەكتروندىق ۇكىمەتتى» دامىتۋدا قازاقستان بۇۇ شولۋىنا سايكەس 190 ەلدىڭ اراسىندا 38-ورىندا تۇر. ال ەلەكتروندىق قاتىسۋدى دامىتۋ بويىنشا ءبىزدىڭ ەل 2-ورىندى سينگاپۋرمەن ءبولىستى», – دەدى. اگەنتتىك توراعاسىنىڭ ايتۋىنشا, تەلەكوممۋنيكاتسيالىق ينفراقۇرىلىمدى دامىتۋ باعىتىندا ايتارلىقتا تابىستارعا قول جەتكىزىلگەن. وسى ورايدا ول: «جاقسى كورسەتكىشتەرگە قاراماستان, ءالى دە تىنباي ەڭبەك ەتۋ قاجەت, ياعني, مەملەكەت باسشىسى قول قويعان ۇلكەن باعدارلاما اياسىندا اقپاراتتىق-كوممۋنيكاتسيالىق تەحنولوگيالار سالاسىندا جاڭا ناتيجەلەرگە جەتۋ كەرەك», – دەپ ءسوزىن ساباقتادى. اگەنتتىك باسشىسىنىڭ سوزىنە سۇيەنە سويلەسەك, بۇگىنگى تاڭدا ەلىمىزدەگى ۆيرتۋالدى كوممەرتسيا اينالىمى شامامەن 600 ملن. دوللارعا جەتكەن. بۇل ارينە, وتە جاقسى كورسەتكىش. جولدىباي بازار. دەرەككوز: primeminister.kz. فوتو: primeminister.kz.