جيىن بارىسىندا سەناتورلار «2018 جىلعى 17 مامىرداعى ءبىر تاراپتان ەۋرازيالىق ەكونوميكالىق وداق پەن وعان مۇشە مەملەكەتتەر جانە ەكىنشى تاراپتان يران يسلام رەسپۋبليكاسى اراسىنداعى ەركىن ساۋدا ايماعىن قۇرۋعا الىپ كەلەتىن ۋاقىتشا كەلىسىمگە حاتتامانى راتيفيكاتسيالاۋ تۋرالى» زاڭ جوباسىن قارادى.
زاڭ جوباسىنىڭ نەگىزگى ماقساتى - كەلىسىمنىڭ قولدانىلۋ مەرزىمىن 2025 جىلعى 27 قازانعا دەيىن ۇزارتۋ جانە تاراپتار اراسىنداعى ساۋدا ارتىقشىلىقتارى ءتارتىبىن بۇزۋعا جول بەرمەۋ.
كەلىسىم ەاەو ەلدەرى مەن يران اراسىنداعى تاۋارلار ساۋداسىن ەركىنسىتۋگە جانە وڭايلاتۋعا باعىتتالعان. زاڭ جوباسى وسىلايشا تاراپتار اراسىنداعى ەكونوميكالىق ءىس-قيمىل مەن ءوزارا ساۋدانى قولداۋعا باعىتتالعان.
سونداي-اق ۋاقىتشا كەلىسىمنىڭ قولدانىلۋ مەرزىمىن ۇزارتۋ ساۋدانىڭ باجسىز ءتارتىبىن ساقتاۋعا مۇمكىندىك بەرەتىنىن جانە وتاندىق تاۋارلاردىڭ يران نارىعىنا شىعۋى ءۇشىن قولايلى جاعداي تۋعىزاتىنىن اتاپ وتكەن ءجون.
زاڭ جوباسى پالاتانىڭ قاراۋىنا جىبەرىلدى.
