كومىر ساتۋ نۇكتەلەرى ءتيىستى ينفراقۇرىلىممەن جانە تيەۋ-ءتۇسىرۋ تەحنيكاسىمەن تولىق جابدىقتالعان. بۇل جەرلەردە 8 كومپانيا-رەاليزاتورلار ءوز قىزمەتىن جۇزەگە اسىرادى.
جىلىتۋ ماۋسىمىنا دايىندىق جانە ونى وتكىزۋ كەزەڭىندە كومىر ساتۋشىلاردان 463 مىڭ توننادان استام كومىر مولشەرىندە وتىنىمدەر رەسىمدەلدى. وتىن قورى تۇراقتى نەگىزدە تولىقتىرىلىپ وتىرادى.
«باعانىڭ وسۋىنە جول بەرمەۋ ماقساتىندا تامىز ايىندا بارلىق كومپانيالارمەن كومىر قۇنىن بەكىتۋ تۋرالى ءتيىستى مەموراندۋمدار جاسالدى. 109 ءنومىرى بويىنشا «قاۋىرت جەلى» جۇمىس ىستەيدى, وندا تۇيىقتىقتاعى كومىردىڭ قورى, باعاسى جانە بار-جوعى تۋرالى بىلۋگە بولادى», دەلىنگەن حابارلامادا.
بيىل كومىردىڭ ورتاشا باعاسى وتكەن جىلدىڭ دەڭگەيىندە ساقتالدى:
شۇباركول - تونناسىنا 13 800 تگ;
قاراجىرا - تونناسىنا 14 500 تگ;
مايكوبە - تونناسىنا 12 700 تگ.
اكىمدىك وكىلدەرى حابارلاعانداي, ەلوردادا قالانى گازداندىرۋ جۇمىستارى جالعاسۋدا. ماسەلەن, الماتى جانە سارىارقا اۋداندارىنداعى ۇيلەر گازعا قوسۋ مۇمكىندىگىمەن تولىق قامتاماسىز ەتىلدى. بۇگىندە 680 كم استام گازبەن جابدىقتاۋ جەلىلەرىنىڭ قۇرىلىسى اياقتالدى, كۆارتالىشىلىك جەلىلەر تارتىلدى. جالپى, گازعا 5,7 مىڭنان استام ءۇي قوسىلعان.
سونداي-اق بايقوڭىر مەن ەسىل اۋداندارىندا گاز قۇبىرىن تارتۋ جۇمىستارى جۇرگىزىلۋدە.
