«مەن «ۇلتتىق قور – بالالارعا» اتتى جاڭا باعدارلاما قابىلداۋدى ۇسىندىم. ءبىز قوردىڭ جىل سايىنعى ينۆەستيتسيالىق تابىسىنىڭ تەڭ جارتىسىن بالالاردىڭ ەسەپشوتىنا اۋداراتىن بولامىز. بۇل قارجىنى ولار كامەلەت جاسىنا تولعاننان كەيىن باسپاناعا نەمەسە ءبىلىم الۋعا جۇمساي الادى. وسى شەشىم ۇلتتىق تابىستى ءادىل ءبولۋ قاعيداتىنا ساي كەلەدى دەپ ەسەپتەيمىن. اتالعان شارالاردىڭ ءبارى وسكەلەڭ ۇرپاقتىڭ بولاشاعىنا ارنالادى», دەدى مەملەكەت باسشىسى قاسىم-جومارت توقاەۆ.
سونداي-اق جيىن بارىسىندا قاسىم-جومارت توقاەۆ ءماجىلىس پەن ءماسليحات جۇمىسىنداعى, پارلامەنت قىزمەتىندەگى وزگەرىستەرگە توقتالدى.
ء«بىز قازىر ادىلەتتى قازاقستاندى قۇرۋعا كىرىستىك. سوڭعى جىلدارى تۇبەگەيلى وزگەرىستەر جاساپ, ەلىمىزدى جاڭعىرتۋدى قولعا الدىق. ماۋسىم ايىندا وتكەن رەفەرەندۋم حالىقتىڭ بۇل باستامالاردى قولدايتىنىن كورسەتتى. ساياسي رەفورمالار ەلىمىزدە «كۇشتى پرەزيدەنت – ىقپالدى پارلامەنت – ەسەپ بەرەتىن ۇكىمەت» قاعيداتىن ورنىقتىردى. بۇل پرەزيدەنتتىك رەسپۋبليكا بولامىز دەگەن ءسوز. راسىندا, ەل باسقاراتىن پرەزيدەنت قۇزىرلى, كۇشتى بولۋى كەرەك. ايتپەسە, كەيبىر باسقا ەلدەردەگى سياقتى تارتىپسىزدىككە ۇشىراۋىمىز مۇمكىن. ال, ونداي جاعداي حالقىمىزعا قاسىرەت اكەلەدى. بۇدان بىلاي ءماجىلىس پەن ءماسليحاتتار ارالاس جۇيە بويىنشا جاساقتالادى. بيلىك تارماقتارى اراسىندا تەپە-تەڭدىك ورناتۋ ءۇشىن ناقتى شارالار قابىلداندى. پرەزيدەنتتىڭ بىرقاتار وكىلەتتىگى پارلامەنتكە بەرىلدى. ءوڭىر باسشىلارى بالامالى جولمەن تاڭدالاتىن بولدى. اۋىل اكىمدەرىن تىكەلەي سايلاۋ ءتاسىلى ەنگىزىلدى», دەدى ول.
گ ۇلىم سادىربەك
