اتىراۋ. 19 مامىر. اتىراۋدا پروكۋرورلىق ىقپال ەتۋ شارالارى نەگىزىندە قازاقستاندا تۋىلعان تۇلعانى hەسپۋبليكا شەگىنەن ماجبۇرلەپ شىعارۋ جونىندەگى زاڭسىز سوت اكتىسىنىڭ كۇشى جويىلدى. بۇل تۋرالى egemen.kz ءتىلشىسى حابارلادى.
وقيعانىڭ بىلايشا وربىگەنى بەلگىلى بولىپ وتىر. مەملەكەتتىك شەكارا سىزىعىنان وتكەن كەزدە ءبىر ازاماتتىڭ كوشى-قون كارتوچكاسى بولماعان. سول سەبەپتى وعان قاتىستى اكىمشىلىك قۇقىق بۇزۋشىلىق تۋرالى كودەكستىڭ 391-1-بابىنىڭ 3-بولىگىمەن «ازاماتتىعى جوق ادام قازاقستان رەسپۋبليكاسى مەملەكەتتىك شەكاراسىنىڭ رەجيمىن بۇزدى» دەگەن نەگىزبەن اكىمشىلىك قۇقىق بۇزۋشىلىق تۋرالى حاتتاما تولتىرىلعان.
ءىستىڭ سوتتا قارالۋى ناتيجەسىندە سوت قاۋلىسىمەن قۇقىق بۇزۋشى رەتىندە تانىلعان ازاماتتى 2 تاۋلىك مەرزىمگە اكىمشىلىك قاماۋعا الۋ ارقىلى قازاقستان رەسپۋبليكاسى اۋماعىنان شىعارۋ ۇيعارىلعان. قابىلدانعان سوت اكتىسىنىڭ زاڭدىلىعىن تەكسەرۋ كەزىندە قۇقىق بۇزۋشىنىڭ ازاماتتىعى جوق تۇلعا بولىپ تابىلمايتىنى, ياعني, تۋ تۋرالى كۋالىككە ساي ونىڭ قازاقستاندا تۋىلعانى جانە ول جاقىن-تۋىستارىمەن, جانۇياسىمەن قۇرمانعازى اۋدانىندا تۇراتىنى بەلگىلى بولدى.
اپەللياتسيالىق ساتىداعى سوتپەن زاڭسىز سوت قاۋلىسىنىڭ كۇشى جويىلىپ, اكىمشىلىك ءىس جۇرگىزۋ ءوندىرىسى «ءىستى» بولعان ازاماتتىڭ ارەكەتىندە قۇقىق بۇزۋشىلىقتىڭ قۇرامى بولماۋىنا بايلانىستى وندىرىستەن قىسقارتىلدى.
جولداسبەك شوپەعۇل.
دەرەككوز: egemen.kz.
فوتو: juvencourt-korda.kz.
