«تۇركىستان – اتاجۇرتىمىزدىڭ التىن قازىعى. تۇركىستان – ءبارىمىزدىڭ ماقتانىشىمىز, ەكى دۇنيە ەسىگى, ەر تۇرىكتىڭ بەسىگى اتانعان بۇكىل الەمگە تانىمال قاسيەتتى جەر. وسى كيەلى شاھاردىڭ ءتول تاريحىمىزدا ايرىقشا ورنى بار. تۇركىستان تورىندەگى قوجا احمەت ياساۋي كەسەنەسى – رۋحانياتىمىزدىڭ مىزعىماس دىڭگەگى», دەپ پرەزيدەنت جيىنداعى ءسوزىن باستادى.
قاسىم-جومارت توقاەۆ ءوز سوزىندە وتكەن جىلى قالاعا تۇركى الەمىنىڭ رۋحاني استاناسى دەگەن مارتەبە بەرىلگەنىن ەسكە سالدى.
«قازاق جىلناماسىنا التىن ارىپپەن جازىلعان كوپتەگەن تۇلعالارىمىز وسىندا جەرلەنگەن. بىلتىر قالاعا تۇركى الەمىنىڭ رۋحاني استاناسى دەگەن مارتەبە بەرىلدى. بۇل تۇركىستاندى تۇتاس تۇركى جۇرتى ەرەكشە قادىرلەيدى دەگەن ءسوز. ال, ءبىز كيەلى شاھاردى رۋحاني جانە تاريحي ەلوردامىز دەسەك, دۇرىس پايىم بولاتىنىنا كۇمانىم جوق. سوندىقتان ۇكىمەت تاياۋ ارادا تۇركىستان قالاسىنا وسىنداي مارتەبە بەرۋ ماسەلەسىنە قاتىستى لايىقتى شەشىم قابىلدايدى دەپ ويلايمىن. قاستەرلى شاھار كونە زاماننان بەرى ۇلتتىڭ ۇياسى, قازاقتىڭ قارا شاڭىراعى بولىپ كەلەدى», دەدى مەملەكەت باسشىسى.
