وسىعان وراي بيىلعى 29 قىركۇيەكتە كانادانىڭ مونرەال قالاسىندا وتەتىن ICAO-عا قاراستى ازاماتتىق اۆياتسيا ۇيىمى حالىقارالىق اسسامبلەياسىنىڭ 41-سەسسياسى اياسىندا ەكى مەملەكەت اراسىنداعى ءوزارا تۇسىنىستىك تۋرالى مەموراندۋمعا قول قويىلادى دەپ جوسپارلانۋدا. ونىڭ شەڭبەرىندە اۆياكومپانيالار جولاۋشىلار تاسىمالىن اپتاسىنا 4-تەن 8-گە دەيىن ارتتىرۋ كوزدەلىپ وتىر. بۇل – قازاقستانداعى «اشىق اسپان» رەجيمى اياسىندا جۇزەگە اسىرىلماق.
بۇل تۋرالى يدم باسشىسى قايىربەك وسكەنباەۆتىڭ قاجىلىق جانە ۋمرا ءمينيسترى تاۋفيك بەن فاۋزان بين مۋحامماد ال-رابيا باستاعان ساۋد ارابياسىنىڭ دەلەگاتسياسىمەن كەزدەسۋىندە ايتىلدى.
تاۋفيك فاۋزان ال-رابيا مينيسترگە جان-جاقتى قولداۋى ءۇشىن العىسىن ءبىلدىرىپ, ەلدەر اراسىنداعى تىكەلەي رەيستەردىڭ اشىلۋى ءوزارا قارىم-قاتىناستى نىعايتۋعا ەلەۋلى ۇلەس قوساتىنىن اتاپ ءوتتى. سونداي-اق ول اۋە تاسىمالىن ورىنداۋعا ساۋدارابيالىق اۆياكومپانيالار دا مۇددەلى ەكەندىگىن جەتكىزدى.
ء«سىزدىڭ باستاماڭىزبەن ۇسىنىلعان مەملەكەتتەر اراسىنداعى اۋە تاسىمالىن ودان ارمەن ارتتىرۋ مەن ۇشۋ گەوگرافياسىن كەڭەيتۋ بويىنشا ەكى ەلدىڭ اۋە بيلىگى وكىلدەرىنىڭ كەلىسسوزدەرى جەمىستى ناتيجەسىن بەرۋدە. جاقىن ارادا تىكەلەي اۋە قاتىناستارى قايتا جانداناتىن بولادى», دەدى ساۋد ارابياسىنىڭ قاجىلىق جانە ۋمرا ءمينيسترى.
