شۆەيتساريا ۇكىمەتىنىڭ مالىمەتىنشە, زەينەتاقى جۇيەسىندەگى وزگەرىستەر 50, 57 پايىز داۋىس جينادى. سونىمەن قاتار شۆەيتساريالىقتار زەينەتاقى قورلارىنداعى قاراجات تاپشىلىعىن جابۋ ءۇشىن قوسىمشا قۇن سالىعىن ارتتىرۋدى قولدادى.
«ايەلدەر ەرلەر سياقتى 65 جاسقا دەيىن جۇمىس ىستەيدى. حالىق زەينەتاقى رەفورماسىنىڭ ەكى ەلەمەنتىن ماقۇلدادى», دەلىنگەن حابارلامادا.
شۆەيتساريانىڭ ەكونوميكا مينيسترلىگى ءمالىم ەتكەندەي, 2020 جىلى ايەلدەر ورتا ەسەپپەن ەرلەرگە قاراعاندا 35 پايىزعا از زەينەتاقى العان. داۋىس بەرۋ قارساڭىندا جۇرگىزىلگەن ساۋالنامالار ەرلەردىڭ 70 پايىزى رەفورمانى قولدايتىنىن كورسەتتى, ال ايەلدەر اراسىندا بۇل كورسەتكىش تەك 42 پايىزعا جەتتى.
