وقيعا • 23 قىركۇيەك، 2022

بولگاريادا توتەنشە جاعداي جاريالاندى

89 رەت كورسەتىلدى

جۇما كۇنى بولگار-تۇرىك شەكاراسىنا جاقىن حاسكوۆو وبلىسىنداعى سۆيلەنگراد جانە توپولوۆگراد اۋداندارىندا زاڭسىز ميگرانتتاردىڭ كەسىرىنەن جەرگىلىكتى دەڭگەيدە توتەنشە جاعداي جاريالاندى، دەپ حابارلايدى Egemen.kz.

بۇل تۋرالى وبلىس اكىمى مينكو انگەلوۆ مالىمدەگەن. 

«توتەنشە جاعداي رەجىمى 23 قىركۇيەك كۇنى تۇستەن باستاپ ەنگىزىلىپ، 29 قىركۇيەك كۇنى ساعات 12:00-گە دەيىن جالعاسادى. ونىڭ سەبەبى - شەكارالاس ايماقتارداعى كوشى-قون قىسىمىنىڭ كۇشەيۋىنە بايلانىستى جاعدايدىڭ كۇردەلەنۋى. وسىعان بايلانىستى ادام ءولىمىنىڭ الدىن الۋ جانە تۇرعىلىقتى حالىقتىڭ مەنشىگىنە جانە ەل ەكونوميكاسىنا، سونداي-اق قورشاعان ورتاعا زالال كەلمەۋىن باقىلايمىز»، دەدى مينكو انگەلوۆ. 

Nova TV تەلەارناسى ءدال وسىنداي شارالاردىڭ بۋرگاس جانە يامبول وبلىستارىندا دا جۇرگىزىلىپ جاتقانىن حابارلادى. 

بولگاريا ىشكى ىستەر مينيسترلىگىنىڭ مالىمەتىنشە، جىل باسىنان بەرى تۇركيادان ەلگە 103 998 ميگرانت زاڭسىز وتپەك بولعان. بۇل 2021 جىلدىڭ سايكەس كەزەڭىمەن سالىستىرعاندا ءۇش ەسە كوپ. تەك سوڭعى اپتانىڭ وزىندە 6 264 شەكارادان ءوتۋ ارەكەتى تىركەلدى.

سوڭعى جاڭالىقتار

بۇگىنگى ۆاليۋتا باعامى

قارجى • بۇگىن، 09:55

ۇقساس جاڭالىقتار