يران شارحان 1987 جىلى اقتوبە وبلىسىندا دۇنيەگە كەلگەن. ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىن, قازاق ەكونوميكا, قارجى جانە حالىقارالىق ساۋدا ۋنيۆەرسيتەتىن, اباي مىرزاحمەتوۆ اتىنداعى كوكشەتاۋ ۋنيۆەرسيتەتىن بىتىرگەن.
ەڭبەك جولىن 2008 جىلى ماركەتينگ بويىنشا مامان بولىپ باستاعان.
2009-2013 جىلدارى دەنساۋلىق ساقتاۋ مينيسترلىگى زاڭ قىزمەتى جانە مەملەكەتتىك ساتىپ الۋ دەپارتامەنتى ساراپشىسىنىڭ م.ا., اكىمشىلىك-قۇقىقتىق جۇمىس دەپارتامەنتى مەملەكەتتىك ساتىپ الۋ باسقارماسىنىڭ ساراپشىسى, زاڭ قىزمەتى جانە مەملەكەتتىك ساتىپ الۋ دەپارتامەنتىنىڭ باس ساراپشىسى بولدى.
2013-2014 جىلدارى يندۋستريا جانە جاڭا تەحنولوگيالار مينيسترلىگى مەملەكەتتىك ساتىپ الۋ باسقارماسىنىڭ باسشىسى قىزمەتىن اتقاردى.
2014-2015 جىلدارى ينۆەستيتسيالار جانە دامۋ مينيسترلىگىنىڭ اكىمشىلىك جۇمىس دەپارتامەنتى ديرەكتورىنىڭ ورىنباسارى بولدى.
2015-2016 جىلدارى وڭتۇستىك قازاقستان وبلىسى دەنساۋلىق ساقتاۋ باسقارماسى باسشىسىنىڭ ورىنباسارى قىزمەتىن اتقارعان.
2016-2019 جىلدارى قورعانىس جانە اەروعارىش ونەركاسىبى مينيسترلىگىنىڭ اكىمشىلىك جۇمىس دەپارتامەنتىنىڭ ديرەكتورى بولدى.
2019 جىلى سىرتقى ىستەر ءمينيسترىنىڭ كەڭەسشىسى بولىپ تاعايىندالدى.
2020-2021 جىلدارى اقتوبە وبلىسىنىڭ يندۋستريالىق-يننوۆاتسيالىق دامۋ باسقارماسىنىڭ باسشىسى بولىپ جۇمىس ىستەدى.
2021 جىلعى تامىزدان باستاپ قازىرگى ۋاقىتقا دەيىن يندۋستريا جانە ينفراقۇرىلىمدىق دامۋ مينيسترلىگىنىڭ تپي بويىنشا جەر قويناۋىن پايدالانۋ دەپارتامەنتىنىڭ ديرەكتورى قىزمەتىن اتقاردى.
