«جالپى العاندا ستۋدەنتتەر ۇيىندە 120 بالاعا ارنالعان جاتىن ورنى بار ەكەنىن ايتا كەتكەن ءلازىم. تاعى ءبىر اتاپ وتەرلىگى, جاتاقحاناداعى ەكى, ءۇش جانە ءتورت ادامعا ارنالعان بولمەلەر جايلى جيھازدارمەن تولىقتاي قامتاماسىز ەتىلدى. سونىمەن قاتار ستۋدەنتتەرگە قاجەتتى دەلىنگەن وزگە دە يگىلىكتەر قاراستىرىلعان.
ستۋدەنتتەر ۇيىندەگى بولمەلەر وسى وقۋ جىلىنان باستاپ شالعايداعى ەلدى مەكەننەن كەلەتىن ستۋدەنتتەرگە بەرىلەدى. جالپى, اۋداندا شۋ گۋمانيتارلىق كوللەدجى مەن تەمىر جول جانە الماس كوللەدجدەرى بار ەكەنىن ەسكەرسەك, ستۋدەنتتەر تاراپىنان جاتاقحاناعا دەگەن سۇرانىستىڭ جوعارى ەكەنىن پايىمداۋ قيىن ەمەس. پايدالانۋعا بەرىلىپ وتىرعان ستۋدەنتتەر ءۇيى سول قاجەتتىلىكتى وتەيتىنىنە سەنىمىم كامىل», دەيدى شۋ اۋدانىنىڭ اكىمى ساكەن ارۋباەۆ.
راسىندا دا اۋدانداعى ءتورت بىردەي ارناۋلى وقۋ ورنىندا وقيتىن ستۋدەنتتەر ءۇشىن جاتاقحانانىڭ اشىلعانى – ۇلكەن ولجا. مىڭعا جۋىق ستۋدەنتى بار اۋداندا وسىلايشا ستۋدەنتتەردىڭ باس اۋىرتقان باستى ماسەلەسى وڭىنان شەشىلدى. مەملەكەتتىك تاپسىرىس اياسىندا جۇزەگە اسىرىلعان جوباعا 120 ملن تەڭگە قاراجات جۇمسالىپتى.
جامبىل وبلىسى,
شۋ اۋدانى
