سودان كەيىن قازاقستان پرەزيدەنتى «الەم گەوساياسي قايشىلىقتار كۇشەيىپ كەلە جاتقان جاڭا كەزەڭگە قادام باستى. ءتارتىپ پەن جاۋاپكەرشىلىككە نەگىزدەلگەن ءارى بۇرىن قالىپتاسقان حالىقارالىق جۇيەنىڭ ورنىن بەرەكەسىزدىك پەن بولجاۋعا كەلمەيتىن احۋال بيلەدى. الەمدىك الپاۋىتتار اراسىنداعى ءوزارا سەنىمسىزدىك جىلدام ارتا ءتۇستى. الەم جاڭا اسكەري قاقتىعىس وشاقتارىنىڭ قۇربانىنا اينالدى. ءبىز ەكى بۋىننان كەيىن العاش رەت يادرولىق قارۋدىڭ قولدانىلۋ قاۋپىمەن بەتپە-بەت كەلدىك», دەپ مالىمدەمە جاسادى.
ق.توقاەۆ سونداي-اق بۇۇ الداعى سىن-قاتەرلەرگە جانە تۋىندايتىن مۇمكىندىكتەرگە دايىن بولۋعا ءتيىس ەكەنىن ايتىپ, كەلەسى جىلى ۇيىمعا مۇشە مەملەكەتتەر مينيسترلەرىنىڭ كەزدەسۋى اياسىندا وتەتىن كونسۋلتاتسيالارعا قاتىسۋدى, سونداي-اق 2024 جىلى بولاشاق ءسامميتىن اسىعا كۇتەتىنىن جەتكىزدى.
