پىكىر • 23 قىركۇيەك، 2022

دەموكراتيالىق سونى ءۇردىس

93 رەت كورسەتىلدى

قازىرگى تاڭدا اينالامىزدا بولىپ جاتقان گەوساياسي وقيعالار مەن وزگەرىستەر ەشكىمدى بەيجاي قالدىرمايدى. وتىز جىلدا كەتكەن ولقىلىقتاردىڭ ورنىن تولتىرىپ، بارلىق سالاداعى كەمشىلىكتى تۇزەتۋگە ءبارىمىز مۇددەلىمىز. مىناۋ الاساپىران الەم قازىر ايتىسىپ-تارتىسىپ وتىراتىن ۋاقىت ەمەس ەكەنىن كورسەتىپ وتىر.

ءبىز دەموكراتيالاندىرۋ جولىندا جاڭا قادامدار جاسادىق، قايتا سايلانۋ قۇقىعىنسىز ءبىر رەتتىك پرە­زيدەنت­تىك مەرزىم ەنگىزدىك. پرەزي­دەنت­تىك وكىلەتتىكتىڭ ءبىر رەتتىك مەرزىمى كونس­­تيتۋتسيانىڭ جاڭا نورمالارىنىڭ وزگەرمەيتىندىگىن بەلگىلەۋ ارقىلى قامتاماسىز ەتىلەدى.

قاسىم-جومارت توقاەۆتىڭ «مۇم­كىن­دىكتەر تەڭ­دىگى جانە بارشاعا ادى­لەت­تىلىك» دەگەن ۇندەۋلەرى تەك ۇران ەمەس، ءىس-ارە­كەتتىڭ باعدارى. وزىق ەلدەردىڭ دامۋ نەگىزىندە الەۋمەتتىك ادىلەتتىلىك جاتىر. بۇل بارلىق ادام ءۇشىن الەۋ­مەتتىك ادىلەتتىلىك پەن تەڭدىك بىر­دەي دەگەندى اڭعارتادى. دا­مى­عان مەملەكەتتەردىڭ نەگىزگى دراي­ۆەر­لەرى دە وسى قاعيداتتار. دامىعان ەلدەردە دەموكراتيالىق قوعام دا وركەندەپ كەلەدى. وسى پاراديگمادا پرەزيدەنتتىڭ تاسىلدەردى جاڭارتۋ جانە حالىققا مەملەكەتتى باسقارۋدا تولىققاندى مۇمكىندىك بەرۋ قاجەتتىگى تۋرالى بايانداماسىن كورىپ وتىرمىن. مۇنى اۋىلدىق، قوعامدىق كە­ڭەس­تەر، ءماسليحاتتار جانە ءماجىلىس دەڭ­گەيىندە ىسكە اسىرۋعا بولادى. بۇل ورگانداردا حالىقتان شىققان ادامدار، ەلىن قولدايتىن، ۇلتجاندى ازاماتتار بولۋى ءتيىس. ياعني ەلىمىزدىڭ وركەندەۋىنە كۇش-جىگەرىن ايامايتىن ادامدار جۇمىلدىرىلۋى كەرەك. ەكونوميست رەتىندە الەۋمەتتىك ينكليۋزيا مەن اشىقتىق ءال-اۋقاتتىڭ ءوسۋىن قامتاماسىز ەتەتىنىن كورىپ وتىرمىن.

قازاقستان ناعىز دەموكراتيالىق مەملەكەتتىڭ ەتالونى عانا ەمەس، ءبىز ورتالىق ازيا ەلدەرى ءۇشىن جاڭا ترەند قالىپتاستىرىپ جاتىرمىز. قايتا سايلاۋعا تىيىم سالۋدى ەن­گىزۋ – ۇلكەن ساياسي جاڭالىق. بۇل تەك قازاقستان ءۇشىن ەمەس، بۇكىل پوست­كە­ڭەس­تىك ايماق ءۇشىن ماڭىزدى ساياسي وزگەرىس.

قىركۇيەكتەگى جولداۋ قازاقستان ەكونوميكاسى ءوز دامۋىندا وتەتىن نەگىزگى ترەندتەردى بەلگىلەپ بەردى. ما­سە­لەن، مەنى مامان رەتىندە شاعىن بيز­­نەستى تەكسەرۋگە موراتوري ەنگى­زىل­گە­نى قۋانتادى. سەبەبى بۇل شاعىن بيزنەسكە سالىقتىق جەڭىلدىك ەنگىزدى. بۇل شارالار وتە ماڭىزدى، ويتكەنى پاندەميا كەزىندە شوب قاتتى زارداپ شەكتى. سالىقتىق جەڭىلدىكتەر، تەكسەرۋلەرگە موراتوري، گرانتتار – مۇنىڭ ءبارى بيزنەستى دامىتۋ ءۇشىن جاقسى كومەك. شاعىن بيزنەستىڭ ەكونوميكالىق قانا ەمەس، الەۋمەتتىك تە ماڭىزى بار. ەكونوميكانىڭ وسى سەكتورى بۇ­گىن­دە جەڭىلدەتىلگەن سالىق سالۋدى، قار­جىلاندىرۋدى قاجەت ەتەدى. بۇل تۋرالى مەملەكەت باسشىسى ەلدىڭ جاڭا ەكو­نوميكالىق ساياساتىن جاريالاۋ كە­زىن­دە ناقتى ايتتى.

 

بەكنۇر قيسىقوۆ،

قازاقستاندىق فرانچايزينگ قاۋىمداستىعىنىڭ پرەزيدەنتى،

ساياساتتانۋشى

سوڭعى جاڭالىقتار

«تازا كوكجايلاۋ» اكتسياسى ءوتتى

ەكولوگيا • بۇگىن، 19:11

ءرۋبلدى ساتىپ الۋ 31%-عا ءوستى

ەكونوميكا • بۇگىن، 15:23

ۇقساس جاڭالىقتار