پىكىر • 23 قىركۇيەك، 2022

جەتى جىل – جەتىستىكتىڭ باستاۋى

76 رەت كورسەتىلدى

بيىلعى سايلاۋدىڭ وتەتىن كۇنى بەلگىلى بولدى. بۇل كوپتەن كۇتكەن ساياسي وقيعا بولعاندىقتان، جۇرتشىلىقتىڭ ەلەڭ ەتە قالعانى انىق. كەزەكتەن تىس سايلاۋ جاڭا رەفورمالاردىڭ باستاۋى بولادى دەپ سەنەمىن.

سۋرەتتى تۇسىرگەن ەرلان ومار، «EQ»

بۇعان دەيىن جاسامپازدىققا باس­تاي­تىن كوپتەگەن يدەيا، جوبا ايتىلدى. ونى ىسكە اسىرۋ ءۇشىن ءدۇمپۋ قاجەت بولعانداي اسەردە جۇرگەن ەدىك. سايلاۋدان كەيىن ەل كۇتكەن جاڭاشىلدىقتار بولىپ، ەلىمىز دامۋدىڭ جاڭا ساتىسىنا كوتەرىلەدى دەپ ەسەپتەيمىن.

قازىرگىدەي گەوساياسي احۋال شيە­لەنىسكەن ۋاقىتتا، اتاپ ايتساق، قا­را­­باق ماسەلەسى، تايۆان پروبلەماسى، قىرعىز-تاجىك، ورىس-ۋكراين اراسىنداعى قاقتىعىستار تۋىنداعان كەزەڭدە بىلىكتى ديپلومات، كاسىپقوي مامان مەملەكەتىمىزدىڭ ابىرويىن اسقاق­تاتىپ، حالىقتىڭ جۇرەگىنە سەنىم ۇيالاتۋى كەرەك.

سايلاۋ ويداعىداي وتسە، ۇكى­مەتتىڭ اۋىسۋىن كۇتەمىن. سەبەبى حالىقتىڭ، قوعامنىڭ، ءتىپتى مەم­لەكەت باسشىسىنىڭ كوڭىلى تولمايتىن دۇنيەلەر كوپ. جاڭادان باستالعان ء«داۋىر»، ياعني جەتىجىل­دىق كەزەڭ­نىڭ جوسپارى باسقا كوش­باسشىلاردىڭ بيلىككە كەلۋىمەن جۇزەگە اسادى.

پرەزيدەنت ءوزى ايتقانداي، جەتى جىل كەز كەلگەن رەفورمانى قولعا الىپ، ناتيجەلى اياقتاۋعا جەتكىلىكتى ۋاقىت. بۇل ارالىقتا الەۋمەتتىك پروبلەمالار، اتاپ ايتساق، جول ما­سە­لەسى سياقتى اۋقىمدى پروبلەمالار ءوز دەڭگەيىندە شەشىلەدى دەگەن سەنىم مول.

الداعى سايلاۋدا پرەزيدەنت جەتىجىلدىق مەرزىمگە سايلانباق. وسى ورايدا، 7 سانى قازاق ءۇشىن كيەلى ەكەنىن ايتا كەتكەن ءجون. وز­دە­رىڭىزگە ءمالىم، حالقىمىزدا جەتى قازىنا، جەتى اتا، جەتى قات كوك سە­كىلدى قاستەرلى ۇعىمدار بار. جاڭ­بىردان كەيىن جارقىراپ شىع­اتىن كەم­پىرقوساقتىڭ دا ءتۇسى جەتەۋ.

بۇدان قالا بەردى، «جەتى جۇرت­تىڭ ءتىلىن ءبىل» دەگەندى جاتتاپ وسكەن ۇرپاقپىز. قازاق حاندىعى كە­زىندە «جەتى جارعى» زاڭدار جينا­عى قابىلداندى. اپتادا 7 كۇن بار. تۇنگى اسپاندا اداسقانعا جول سىلتەپ جەتىقاراقشى تۇر. قۇ­لاق­تىڭ قۇرىشىن قاندىراتىن اسپاپ تا جەتىگەن دەپ اتالادى. قىس­قاسى، پرەزيدەنتتىك مەرزىمدى 7 جىل دەپ تاڭداۋدىڭ وسىنداي ءبىر رامىزدىك ءمانى بار.

 

سامات نۇرتازا،

ساياساتتانۋشى

سوڭعى جاڭالىقتار

«تازا كوكجايلاۋ» اكتسياسى ءوتتى

ەكولوگيا • بۇگىن، 19:11

ءرۋبلدى ساتىپ الۋ 31%-عا ءوستى

ەكونوميكا • بۇگىن، 15:23

ۇقساس جاڭالىقتار