2022 جىلدىڭ 21 قىركۇيەگىندە شىمكەنت قالاسى ءال-فارابي اۋداندىق سوتى شقو بويىنشا ىشكى مەملەكەتتىك اۋديت دەپارتامەنتىنىڭ باسشىسى ە.ز.مارايموۆكە, كامەرالدىق باقىلاۋ ءبولىمىنىڭ باسشىسى ا.م.اعابەككە, شىمكەنت قالاسى بويىنشا ىشكى مەملەكەتتىك اۋديت دەپارتامەنتى باسشىسىنىڭ ورىنباسارى ە.س.تۋرسۋنبەكوۆكە جانە «KAZPROFSTROY HOLDING» جشس-نىڭ قۇرىلتايشىسى ك.ك.كوجاحمەتوۆكە قاتىستى ۇكىم شىعاردى.
«جوعارىدا اتالعان ادامدار «KAZPROFSTROY HOLDING» جشس مەملەكەتتىك ساتىپ الۋ قورىتىندىلارى بويىنشا جەڭىمپاز رەتىندە تانىلۋىنا ىقپال جاساۋ ءۇشىن پارا الۋ, بەرۋ جانە پاراقورلىققا دەلدال بولۋ دەرەكتەرى بويىنشا ايىپتالعان. سوت ۇكىمىمەن ە.ز. مارايموۆكە قاتىستى 8 جىل مەرزىمگە, ا.اعابەككە قاتىستى 7 جىل 6 اي مەرزىمگە, ك.كوجاحمەتوۆكە قاتىستى 7 جىل مەرزىمگە باس بوستاندىعىنان ايىرۋ جازاسى تاعايىندالدى. وسى ۇكىممەن پاراقورلىققا دەلدال بولۋ فاكتىسى بويىنشا ە.س. تۋرسۋنبەكوۆكە قاتىستى 2 جىل مەرزىمگە باس بوستاندىعىنان ايىرۋ جازاسى تاعايىندالدى», دەلىنگەن ANTIKOR حابارلاماسىندا.
سوتتالعاندار مەمەلەكەتتىك قىزمەتتەگى لاۋازىمدى اتقارۋ قۇقىعىنان ءومىر بويىنا ايىرىلعانى قوسا ايتىلدى.
