«بۇل ماسەلەنى يتاليانىڭ ENI مۇناي-گاز كومپانياسىمەن («Arm Wind» جشس), قازاقستان ەنەرگەتيكا مينيسترلىگى وكىلدەرىمەن بىرلەسە پىسىقتاپ جاتىرمىز», دەپ جازدى قالا باسشىسى.
اكىمنىڭ ايتۋىنشا, ءبىرىنشى كەزەڭدە جەل ەلەكتر ستانتسياسىنىڭ قۋاتى 50 مۆت بولادى, ال ودان ءارى 100 مۆت-تان اسا ۇلعايتىلادى. جاڭارتىلاتىن ەنەرگيا كوزدەرى سالاسىنداعى بۇل جوبا ەلەكتر ەنەرگياسىنىڭ قوسىمشا ماڭىزدى كولەمىن ءوندىرىپ الۋعا مۇمكىندىك بەرەدى.
جەل ەلەكتر ستانتسياسىنىڭ قۇرىلىسىنا تارتىلاتىن شەتەلدىك جەكە ينۆەستيتسيالار سوماسى شامامەن 50 ملرد تەڭگەگە جۋىقتايدى. قازىرگى ۋاقىتتا جوبانىڭ تەحنيكالىق-ەكونوميكالىق نەگىزدەمەسى ازىرلەنىپ جاتىر.
«مەملەكەت باسشىسى جاڭارتىلاتىن ەنەرگيا كوزدەرى سەكتورىن كەڭەيتۋدىڭ جانە ەلىمىزدىڭ ەلەكتر ەنەرگەتيكاسى سالاسىن دامىتۋدىڭ ەرەكشە ماڭىزدىلىعىنا توقتالىپ ءوتتى. سەبەبى قازىر ەنەرگەتيكا ەل ەكونوميكاسىندا نەگىزگى ءرول اتقارادى. پرەزيدەنت ەلىمىزدەگى «جاسىل» تەحنولوگيالاردىڭ ۇلەسى 2030 جىلعا قاراي 15%-عا دەيىن ارتۋى ءتيىس ەكەنىن قاداپ ايتقان ەدى», دەپ جازدى التاي كولگىنوۆ.
