گاۋھاردىڭ سامىرسىن كۇبىسى

بيىل «جۇمىسپەن قامتۋ-2020 جول كار­تاسى» باعدارلاماسىنىڭ اۋىلداعى كاسىپ­كەر­لىكتى دامىتۋ جونىندەگى ەكىنشى باعىتى بويىنشا نەسيە الۋعا ءتورت بىردەي مۇمكىندىگى شەكتەۋلى جان ءوتىنىش بەردى. سولاردىڭ ءبىرى – جانىبەك اۋىلىنىڭ تۇر­عىنى گاۋھار وتەگەنوۆا. ول بىلتىر رەسەيدىڭ سانكت-پەتەربۋرگ قالاسىنان ءوز قارجىسىنا «كەدروۆايا بوچكا» (سامىرسىن كۇبى) الدىرىپ, شاعىن ساۋنا ارقىلى ۇيىنەن ەمدەۋ قىزمەتىن كورسەتىپ كەلگەن بولاتىن. بۇل – ەمدەۋ-ساۋىقتىرۋ باعىتىندا اۋداندا بۇرىن-سوڭدى بولماعان تىڭ كاسىپ. گاۋھاردىڭ كۇبىسى كولەمى ىقشام, تەك ءبىر ادامنىڭ تۇسۋىنە ارنالعان. سامىرسىن كۇبىگە تۇسكەن جاننىڭ اعزاسى تازارىپ, شارشاعانى باسىلادى, جۇيكە جانە قان-تامىرلارى جۇيەسىن قالپىنا كەلتىرىپ, نىعايتۋعا كومەكتەسەدى. ورىس مونشاسىنىڭ بارلىق قۇندىلىعىمەن بەرىك بايلانىسقان سامىرسىن كۇبىنىڭ (فيتوبوچكا) ادام اعزاسىنا بۇدان باسقا دا پايدالى جاعى كوپ. گاۋھار باستاعان كاسىبىنىڭ تيىمدىلىگى مەن تابىسىن ارتتىرۋ ماقساتىندا جۋىردا اۋدان ورتالىعىنداعى م.ىقسانوۆ اتىنداعى كوشەدەن ءبىر عيماراتتى جالعا الىپ, سامىرسىن كۇبىسىن وسىندا ورنالاستىرىپتى. – بيىل باعدارلاماعا سايكەس 1 ميلليون تەڭگە نەسيە الامىن. بۇل قارجىعا وڭ-تۇستىككورەيالىق سىلاپ, ۋقالاپ ەمدەۋگە (ماسساج) ارنالعان كەرەۋەت پەن ۇستەل ساتىپ الىپ, كاسىبىمدى ودان ءارى جەتىلدىرمەكپىن, – دەيدى كاسىپكەر ءوز سوزىندە. نۇرىمبەك جاپاقوۆ. باتىس قازاقستان وبلىسى.