بىرىنشىدەن, كەزەكتەن تىس پرەزيدەنت سايلاۋىن وتكىزۋ تۋرالى 1 قىركۇيەكتە حابارلانسا, جارلىققا ءبىر ايدان كەيىن قول قويىلدى. ياعني قوعامدىق تالقىلاۋ مەن دايىندىق جۇمىستارىنا ۋاقىت بەرىلدى.
ەكىنشىدەن, پرەزيدەنت الداعى پارلامەنتتىك سايلاۋ تۋرالى كەمىندە التى اي بۇرىن جاريالادى. ساياسي كۇشتەرگە وزدەرىنىڭ ساياسي باعدارلامالارىن ازىرلەۋ جانە ۇگىت-ناسيحات جۇمىستارىن جۇرگىزۋ ءۇشىن دايىندالۋعا ۋاقىت ءبولىندى.
ۇشىنشىدەن, الداعى سايلاۋ – بەتپە-بەت كەلىپ تۇرعان ىشكى جانە سىرتقى سىن-قاتەرلەرگە بەرىلگەن جاۋاپ. بىزگە باستالعان ساياسي جانە ەكونوميكالىق رەفورمالاردى اياقتاۋ كەرەك. سوندىقتان ساياسي ينستيتۋتتاردىڭ جاڭارۋى الەۋمەتتىك-ەكونوميكالىق سالانى نىعايتۋعا مۇمكىندىك بەرەدى.
قازاقستاندا ساياسي رەفورمالار قۇر ءسوز جۇزىندە ەمەس, ناقتى ىسكە اسىرىلىپ جاتقاندىعى ەشبىر كۇمان كەلتىرۋگە كەلمەيتىن شىندىققا اينالىپ كەلەدى. ەڭ باستىسى, بۇل كوزقاراستار مەن يدەيالار قۇر ايتىلعان كۇيىندە قالىپ قويماي, زاڭ جۇزىندە ورىندالاتىن ۇستانىمدار مەن ناقتى مەملەكەتتىك ساياساتقا اينالا باستادى. ۇسىنىلىپ وتىرعان ناقتى ساياسي رەفورمالاردىڭ كەشەنى تاۋەلسىز قازاقستاننىڭ دەموكراتيالى, اشىق جانە تەڭگەرمەلى ساياسي جۇيەسىن قالىپتاستىرىپ, ونى تۇبەگەيلى ورنىقتىرۋدىڭ نەگىزى بولماق. ەلىمىزدەگى قولعا الىنىپ جاتقان باتىل قادامدار ەلىمىزدەگى قوعامدىق-ساياسي قاتىناستاردى ازاماتتاردىڭ ۇستانىمدارى مەن قۇندىلىقتارىن وزگەرتۋ نەگىزىندە ونى جاڭاشا قالىپتاستىرۋعا باعىتتالعان. مۇندا مەملەكەتتىك بيلىكتىڭ بارلىق ينستيتۋتىن رەفورمالاۋ نەگىزىندە بۇكىل مەملەكەتتىڭ جۇمىس ىستەۋىنىڭ تيىمدىلىگىن كوتەرۋدى ماقسات ەتەدى. ەندەشە, اتالعان ساياسي رەفورمالاردى جۇيەلى تۇردە, پوپۋليزمگە ۇرىنباي, تەرەڭ جəنە جان-جاقتى ويلاستىرا وتىرىپ جۇرگىزۋگە دە ەرەكشە ءمان بەرۋ كەرەك.
ازاماتتاردىڭ كونستيتۋتسيالىق قۇقىقتارىن قورعاۋ ماسەلەسى كونستيتۋتسيالىق سوت قۇرۋ, ادام قۇقىقتارى جونىندەگى ۋəكىلگە كونستيتۋتسيالىق كەپىلدىكتەر مەن يممۋنيتەت بەرۋ ارقىلى ءوز شەشىمىن تاپپاق. قوعامدى دəيەكتى تۇردە دەموكراتيالاندىرۋ باعىتىندا ىسكە اسىرىلىپ جاتقان وسى ءىس-شارالار مەملەكەتتىڭ ورنىقتى ءəرى باسقارۋعا يكەمدى بولۋىن قامتاماسىز ەتەرى انىق.
بۇل – وتە ماڭىزدى ءسات, ويتكەنى ءارتۇرلى سەبەپكە بايلانىستى الداعى كەزەڭدەر ەكونوميكالىق دامۋ تۇرعىسىنان قيىن بولۋى مۇمكىن. بىزگە ەكونوميكالىق جانە الەۋمەتتىك قيىندىقتاردى ەڭسەرە الاتىن مىقتى ساياسي جۇيە قاجەت.
اسەل ابەن,
قازاقستان رەسپۋبليكاسى پرەزيدەنتى جانىنداعى قسزي-ءدىڭ الماتى قالاسىنداعى وكىلدىك باسشىسى
