وسىعان بايلانىستى ەلوردادا «قازپوشتا» اق باسقارما توراعاسى سەرىك ساۋداباەۆ پەن ستراتەگيا جانە قارجى جونىندەگى باسقارۋشى ديرەكتورى-باسقارما مۇشەسى ازامات كەسكىنباەۆ بريفينگ وتكىزدى. جالاقىنى كوبەيتىپ, ەڭبەك جاعدايىن جاقسارتۋمەن قاتار, قىزمەت كورسەتۋ شارتتارى بويىنشا كاسىبي مەرەكە – دۇنيەجۇزىلىك پوشتا جانە تاۋەلسىزدىك كۇندەرىنە وراي سىياقى بەرىلۋى دە تالاپ ەتىلگەن-ءدى.
«وندىرىستىك پەرسونالدىڭ جالاقىسىن ارتتىرۋ بويىنشا شەشىمدەر دايىندالدى. تالاپتاردى قاراۋ جونىندە ارنايى جۇمىس توبى قۇرىلىپ, حاتتامانى زەردەلەۋگە كىرىستى. كوميسسيا پروبلەمالاردى شەشۋ جانە جۇيەلى شارالاردى دايىنداۋ ماقساتىندا جۇمىسىن باستادى. جۇمىسشى توپتىڭ قۇرامىنا «قازپوشتانىڭ» ەكى باسقارۋشى ديرەكتورى, كاسىپوداق توراعاسى مەن باستاماشىل توپتىڭ ەكى وكىلى كىرەدى. اتالعان كوميسسيا بۇگىن تاڭعى ساعات 09:00-دە جۇمىسقا كىرىستى. ەكى اپتادان كەيىن جۇمىس توبىنىڭ جۇمىسىن اياقتاۋ قورىتىندىسى بويىنشا فيليال قىزمەتكەرلەرىمەن كەزدەسۋدى جوسپارلاپ وتىرمىز», دەدى «قازپوشتا» اق باسشىسى.
سونداي-اق بريفينگتە 2023 جىلدىڭ 1 قاڭتارىنان قىزمەتكەرلەردىڭ جالاقىسىن يندەكستەۋ جوسپارلانعاندىعى, بيىل 1 ساۋىردەن باستاپ جۇمىسى جولدا جۇرگىزىلەتىن قىزمەتكەرلەردىڭ وتەماقى مولشەرى 0,5-تەن 1,0 اەك-كە دەيىن وسكەندىگى, تولىق ەمەس مولشەرلەمەمەن جۇمىس ىستەيتىن پوشتاشىلارعا قوعامدىق كولىكتە جۇرگەنى ءۇشىن وتەماقى مولشەرى 50%-عا ۇلعايتىلعاندىعى جانە جۇمىسكەرلەردىڭ شيپاجاي-كۋرورتتا ەمدەلۋىنە بالالاردىڭ ساۋىقتىرۋ لاگەرلەرىنە جولداما ساتىپ الۋىنا قولجەتىمدى جاعداي جاسالىپ جاتقاندىعى ايتىلدى. «قازپوشتا» وتەمەلى جۇمىسقا كوشۋگە كوڭىلى تولمايتىن قىزمەتكەرلەرگە وسىلايشا قوسىمشا تابىس تابۋعا بولاتىنىن ايتادى.
– وتەمەلى قىزمەت كورسەتۋ شارتىمەن (وقكش) جۇمىس ىستەيتىن قىزمەتكەرلەرگە بىلتىر ء«بىزدىڭ مامان» جوباسى ىسكە قوسىلدى. مۇندا پوشتاشىلار مەن كۋرەرلەر جاساعان جۇمىس كولەمىنە قاراي ايلىق الادى. وسى جوبامەن جۇمىس ىستەگەندە مامانداردا ماتەريالدىق قىزىعۋشىلىق پايدا بولدى. مۇنداي تولەم قاعيداتى قىزمەتكەرلەردىڭ تابىسىن ارتتىرۋعا جانە كورسەتىلەتىن قىزمەتتەردىڭ ساپاسىن جاقسارتۋعا مۇمكىندىك بەرەدى. «كەسىمدى اقى تولەنەتىن قىزمەتكەرلەر سانى (جاياۋ كۋرەرلەر) – 911 ادام. جوباعا قاتىسۋشىلاردىڭ كەيبىرى 250 مىڭ تەڭگەدەن استام جالاقى الا باستادى, – دەدى سپيكەر. 40 مىڭ تەڭگە كولەمىندە اقىنى 0,3 مولشەرلەمەمەن جۇمىس ىستەيتىن, ياعني تولىق ەمەس جۇمىس كۇنىمەن جۇمىس ىستەيتىن 4 پوشتاشى السا, 0,3 مولشەرلەمە بويىنشا جۇمىس ۋاقىتى ايىنا 24 ساعاتتى قۇرايدى.
بريفينگ سوڭىندا بۇعان دەيىن كەيبىر الەۋمەتتىك جەلىلەردە جاريالانعان جالاقى مولشەرى تۋرالى اقپاراتتىڭ شىندىققا سايكەس كەلمەيتىندىگى جانە قىزمەتكەرلەر تالابى ارقاشان قاراۋسىز قالمايتىندىعى ايتىلدى.
