پەتروپاۆلدا كاسىپوداقتاردىڭ ارنايى باعى بار

قىزىلجاردا وبلىستىق كاسىپوداق­تار ورتالىعىنىڭ توراعاسى ەرىك نۇراقاەۆ­تىڭ باستاۋىمەن تۇڭعىش پرەزيدەنت ساياباعىنىڭ اۋماعىندا 3،17 گا جەرگە اعاشتار وتىرعىزىلىپ، وبلىستاعى كاسىپوداقتاردىڭ قامقورلىعىمەن ءوسىپ كەلەدى. Kásipodaq baģy دەپ اتالاتىن بۇل باق قازىر قالا تۇرعىندارىنىڭ تازا اۋامەن تىنىستاپ، راقات كۇي كەشەتىن مەكەنىنە اينالعان.

جۋىردا پەتروپاۆلعا كەلگەن جۇمىس ­ساپارى بارىسىندا قازاقستان كاسىپوداق­تار فەدەراتسياسىنىڭ توراعاسى ساتىبالدى داۋلەتالين كاسىپوداق قوزعالىسى اردا­گەر­­لەرىمەن جانە كاسىپوداقتىڭ جاس مۇشەلەرىمەن وسى باقتا كەزدەسىپ، شىرشا وتىرعىزۋ اكتسياسىنا قاتىستى.

ء«بىزدىڭ جوبانىڭ ماقساتى – ەڭبەك ۇجىمدارىنىڭ مۇشەلەرىن ەكولوگيالىق ماسەلەلەردى شەشۋگە تارتۋ. ساياباقتى اباتتاندىرۋعا اتسالىسقان ەڭبەك ۇجىم­دارى ەگىلگەن شىرشالاردىڭ ساقتالۋىنا جاۋاپكەرشىلىكپەن قارايدى. باستا­ۋىش كاسىپوداق ۇيىمدارىنىڭ مۇشەلەرى Kásipodaq baģy جوباسىن قولدايدى، ونىڭ وسكەلەڭ ۇرپاقتى سالاماتتى ءومىر سال­تىنا باۋلۋ ماقساتىندا قۇرىلىپ جات­قانىن تۇسىنەدى جانە پەتروپاۆل قالاسىنىڭ ەكولوگياسىن دامىتۋعا ۇلەس قوسادى»، دەيدى اۋماقتىق كاسىپوداقتار بىرلەستىگىنىڭ مامانى جانات جۇمابەك.

وسى ۋاقىتقا دەيىن كاسىپوداق ۇيىم­دارىنا مۇشە جاستار مەن ارداگەرلەردىڭ بىرلەسكەن اكتسياسى بارىسىندا Kásipodaq baģy ءۇش اللەياسىنا 105 ءسىبىر شىرشاسى وتىرعىزىلدى. كاسىپوداق قوزعالىسى ارداگەرلەرى وسىنداي ءاربىر اكتسيا جاس ۇرپاققا قامقورلىق، كاسىپوداق ۇيىمى مۇشەلەرىنىڭ، قارتتار مەن جاستاردىڭ قارىم-قاتىناسىن نىعايتا تۇسەتىنىن ايتادى. سونىڭ ىشىندە ءومىرىنىڭ 40 جىلىن ءوز ايماعىنداعى كاسىپورىن قىزمەتكەرلەرىنىڭ قۇقىقتارى مەن مۇددەلەرىن قورعاۋعا ارناعان كاسىپوداق قوزعالىسىنىڭ ارداگەرى ۆالەري لوپاتكو ارداگەرلەر اتىنان كاسىپوداق كوشباسشىلارى مەن بەلسەندىلەرگە وسىنداي جوبانى جۇزەگە اسىرۋعا قاتىسۋعا شاقىرعانى ءۇشىن العىسىن ايتتى.

«بۇگىنگى جوبا تەك ەكولوگيا عانا ەمەس، كاسىپوداقتىڭ ۇرپاقتار ساباقتاستىعىن جالعاستىرۋعا ۇلكەن سەپتىگىن تيگىزەدى»، دەدى ول.  س.داۋلەتالين كاسىپوداق ارداگەرلەرىنىڭ جۇمىسشى جاستاردى تاربيەلەۋدەگى جانە كاسىپوداق قوزعالىسىنىڭ نەگىزگى قاعيدالارىن ساقتاۋداعى ءرولى زور ەكەنىن اتاپ ءوتتى.

سولتۇستىك قازاقستان وبلىسى