العاشقى كەزدەسۋدە 5:3 ەسەبىمەن باسىم تۇسكەن ءبىزدىڭ جىگىتتەر اراعا ءبىر كۇن سالىپ باۋىرلاس ەلدىڭ وكىلدەرىمەن قايتا جولىقتى. بۇل جولى دا جەرگىلىكتى «حالىق ارەنا» سپورت كەشەنىنە جينالعان جانكۇيەرلەر گولدار شوۋىنىڭ كۋاسى بولدى. اسا تارتىستى وتكەن كەزدەسۋدە 11 گول سوعىلىپ, ريكاردو كاكا شاكىرتتەرى 6:5 ناتيجەسىمەن قارسىلاستارىن تىزە بۇكتىردى.
ەكىنشى ماتچتا قازاقستان قۇراماسى ساپىنان شىڭعىس ەسەنامانوۆ, البەرت اقبالىقوۆ جانە تاينان قوس گولدان سوعىپ, ءدۋبلدىڭ اۆتورلارى اتاندى. ەكى ويىندى دا جەڭىسپەن اياقتاعان ۇلتتىق قۇراما فۋتزالشىلارى ەندى الەم چەمپيوناتىنىڭ نەگىزگى ىرىكتەۋ كەزەڭىنىڭ ويىندارىنا دايىندالادى. ىرىكتەۋ باسەكەلەرى 8 قازاندا باستالادى.
