قحل-ءدىڭ العاشقى سەگىز تۋرىنان كەيىن «شىعىس» كونفەرەنتسياسىندا كوش باستاپ تۇرعان ەكاتەرينبۋرگ كومانداسى كەشەگى ماتچتا «بارىسقا» بارماق باتىرا المادى. كەزدەسۋدىڭ ءبىرىنشى كەزەڭى تولىقتاي ايدىن يەلەرىنىڭ ۇستەمدىگىمەن ءوتتى. ماتچتىڭ التىنشى مينۋتىندا «بارىس» حوككەيشىلەرى سان باسىمدىعىن ءتيىمدى پايدالانىپ, العاشقى شايباسىن سوقتى. دجەرەمي براككودان پاس العان ەنتوني لۋيس مەرگەندىگىمەن كوزگە ءتۇستى.
«بارىستىڭ» ەكىنشى گولى دا جانكۇيەرلەردى كوپ كۇتتىرگەن جوق. ءبىرىنشى كەزەڭنىڭ اياقتالۋىنا ءبىر جارىم مينۋت قالعاندا اركادي شەستاكوۆ كەزەكتى ءبىر قارىمتا شابۋىلدى ناتيجەلى اياقتادى – 2:0. ۇزىلىستەن كەيىن قوناقتار بەلسەندى ويىن كورسەتكەنىمەن, «بارىس» قاقپاسىنا گول سوعا المادى. ءۇشىنشى كەزەڭدە دە تابلو وزگەرىسسىز قالدى. وسىلايشا, «بارىس» قاتارىنان ەكىنشى ويىندا 2:0 ەسەبىمەن جەڭىسكە جەتتى.
جەرلەستەرىمىز كەلەسى كەزدەسۋىن 24 قىركۇيەك كۇنى چەرەپوۆەتستە «سەۆەرستالمەن» وتكىزەدى.
