رۋحاني دامۋدىڭ قاينار كوزى

بەسكول مەكتەپ-ليتسەيى وسىدان 17 جىل بۇرىن ەسىگىن ايقارا اشتى. وقۋ مەملەكەتتىك تىلدە جۇرگىزىلەدى. 313 بالا باستاۋىش جانە ورتا ءبى­لىم الادى. اۋىلداعى مەكتەپ بول­عانىمەن، وقۋ ءۇردىسى ماز­مۇنى جاعىنان ەلوردالىق ورتا ءبىلىم بەرەتىن ۇزدىك وقۋ ورىن­­­دارىنان ەش كەم تۇس­پەي­دى. بەس­كولدەگى «پاراسات» مەك­­تەبىنىڭ وقۋ­شىلارىن ناق­تى عى­لىمداردى مەڭگەرۋگە ار­نال­­عان ينتەراكتيۆتى تاقتا مەن ۆيرتۋالدى زەرتحانالار تاڭ­عال­دىر­مايدى.

ءبىلىم وشاعىنىڭ ديرەكتورى ساعات ەلەۋكينانىڭ ايتۋىن­شا، مەكتەپ باسشىلىعى ۇستازداردىڭ كاسىبي بىلىكتىلىگىن ۇزدىكسىز ارتتىرۋدى باستى نازاردا ۇستايدى.

ء«بىزدىڭ اۋىل مەكتەبىندە مۇعا­­لىم­­دەردىڭ بىلىكتىلىگىنە ءمان بە­­رەمىز. بۇگىنگى تاڭدا وقى­­­تۋ­­شىلىق قۇ­رامدا 7 ماگيستر، 4 ماگيسترانت، 2 شەبەر بار. جاس ما­ماندارعا ەرەكشە كوڭىل ءبولىپ، ولاردىڭ كاسىبي وسۋىنە جاعداي جاساپ جا­تىر­مىز. مەكتەپ وقۋشىلارىنا ساباقتى مۇعالىمدەر بايقاۋىنىڭ جەڭىم­­پاز­دارى مەن جۇلدەگەرلەرى جۇر­گىزەدى. ءبىز مەكتەپ وقۋشى­لارى مەن تۇلەكتەرىمىزدىڭ العان بىلىم­دەرىنىڭ ناتيجەسىن ماقتان تۇتا­مىز – ولاردىڭ كوپشىلىگى گرانت يەگەر­لەرى»، دەدى «پاراسات» ديرەكتورى.

ونىڭ اڭگىمەسىن باستاۋىش كاسىپوداق ۇيىمىنىڭ ءتورايىمى ءسابيرا يبراەۆا جالعاستىردى.

«مەكتەپتە 81 ادام جۇمىس ىستەيدى، ونىڭ 76-سى كاسىپوداق مۇشەسى. 2021-2023 جىلدارعا الەۋ­مەتتىك ارىپتەس – مەكتەپ دي­رەك­­تورىمەن ۇجىمدىق شارت جا­ساس­تىق. اۋداندىق، وبلىستىق جانە رەسپۋبليكالىق باي­قاۋ­لار­­دىڭ جەڭىمپازدارى – مۇعا­لىم­دەرگە ەڭبەك دەمالىستارىنان باسقا قوسىمشا دە­مالىس كۇندەرى بەرىلەدى. مەك­تەپ جانىنان مەكتەپ جاسىنا دەيىنگى بالالارعا ارنالعان ءبىلىم بەرۋ ورتالىعى اشىلدى، وعان قابىلداۋ كەزىندە ءبىزدىڭ مەكتەپ قىزمەتكەرلەرىنىڭ بالالارىنا باسىمدىق بەرىلەدى»، دەدى كاسىپوداق كوميتەتىنىڭ تور­ا­عاسى.

قركف توراعاسىمەن بىرگە ءبىلىم جانە عىلىم قىزمەت­كەر­­لەرى كاسىپوداعى رەسپۋب­لي­كالىق سالالىق كاسىپوداق ۇيى­مىنىڭ توراعاسى ايگۇل مۇقا­شە­ۆا ارىپتەستەرىنە كا­سىپوداق ۇيىمىنىڭ مۇعالىم قاۋى­مىنىڭ قۇ­قىقتارى مەن مۇد­­دەلەرىن قور­عاۋ ماقساتىندا اتقا­­رىپ جاتقان شارالارى تۋرالى ايتىپ بەردى.

ء«بىزدىڭ جۇمىسىمىزدىڭ نە­گىز­گى با­عىتى – قۇقىقتىق كو­مەك. وتكەن جىلى كەلىسۋ كو­ميس­­سيا­لا­رىنىڭ جۇمىسىنا قاتىسۋ ارقىلى 101 جەكە ەڭبەك داۋىن شەشسەك، 2022 جىلدىڭ ءبىرىنشى جارتىجىلدىعىندا 223 ەڭبەك داۋىن شەشۋگە كو­مەك­تەستىك. 2021 جىلى ءبىزدىڭ كاسىپوداقتىڭ ارالاسۋى ارقىلى جۇمىس بەرۋشىلەر تولە­مەگەن 1،5 ملرد تەڭگەگە جۋىق قاراجات مۇعالىمدەرگە قاي­­­تا­رىل­دى. بۇل قوسىمشا جۇك­تەمە ءۇشىن ۇس­تە­مەاقى جانە دە­­مالىس اقىسىن قايتا ەسەپتەۋ قورى­تىن­دى­سىندا مۇم­كىن بولدى. بيىلعى جارتى­جىل­دىقتا 1 ملرد 446 مىڭ تەڭگە قايتا­رىل­دى»، دەدى ا.مۇقاشەۆا.

اۋىل مەكتەبىندەگى جيىندى قورىتىندىلاعان كاسىپوداقتار فەدە­راتسياسىنىڭ توراعاسى ساتىبالدى داۋلەتالين الەۋ­مەت­­تىك ارىپتەستىك قاعيداتتارىن تا­­بىستى جۇزەگە اسىرىپ كەلە جات­قان ءبىلىم وشاعى ۇجى­مى­نا ال­عىسىن ءبىلدىرىپ، مەك­تەپ­تىڭ وسكەلەڭ ۇرپاقتى وتان­سۇي­گىش­تىك رۋحتا تاربيەلەۋ جانە ءار با­­لا­نىڭ بويىندا جان-جاق­تى، باسەكەگە قابىلەتتى تۇلعا قا­لىپ­تاس­تىرۋداعى ءرولىن اتاپ ءوتتى.

«قازىرگى مەكتەپ وقۋشىلارى – حالقىمىزدىڭ، ەلىمىزدىڭ بولا­شا­عى. مەملەكەتتىڭ ودان ءارى دامۋى بۇگىنگى جاس ۇرپاققا قانداي قۇندىلىقتاردى سىڭىرۋىمىزگە باي­­لانىستى. مەكتەپ قوعا­مى­مىز­دىڭ الدىڭعى جانە كە­يىنگى ۇرپاقتارىنىڭ رۋحاني دامۋىنىڭ قاينار كوزى بول­عان جانە بولىپ قالا بەرەدى. مۇعالىمدەر قاۋىمى كاسىپ­وداق­تار فەدەراتسياسىنىڭ جالپى مۇشەلەرىنىڭ ۇشتەن بىرىنە جۋىعىن قۇرايدى، سوندىقتان ءبىز مۇعالىمدەردىڭ مۇددەسىن العا باس­تىرۋ جانە ولارعا قولاي­لى ەڭبەك جاعدايلارىن جاساۋ شارالارىن قولدادىق جانە قول­دايمىز»، دەپ اتاپ ءوتتى س.داۋلەتالين.

جيىن سوڭىندا قركف تو­ر­اعاسى «پاراسات» مەكتەپ-ليتسە­يىنىڭ ۇجىمىنا ءتۇرلى ءتۇستى پرين­تەر سىي­لادى. سون­داي-اق سا­لالىق كا­سىپوداق ۇيى­مى ار­قىلى مەكتەپ­تىڭ ۇزدىك مۇعا­لىم­دەرىنە كاسىپوداق سانا­تو­ري­لە­رىندە ساناتورلىق-كۋرورت­تىق ەمدەلۋگە جولدامالار تابىس ەتىلدى.

سولتۇستىك قازاقستان وبلىسى