«مەملەكەت باسشىسىنىڭ تاپسىرماسى بويىنشا مەديتسينا قىزمەتكەرلەرىن ىنتالاندىرۋ ماقساتىندا 2020 جىلدان باستاپ دارىگەرلەردىڭ جالاقىسىن جىل سايىن ارتتىرۋ شارالارى قولعا الىنۋدا. بۇل ونى 2023 جىلعا قاراي ەكونوميكاداعى ورتاشا جالاقىدان ەكى ەسە جوعارى دەڭگەيگە جەتكىزۋ ماقساتىندا جاسالىپ وتىر. 2022 جىلى دارىگەرلەردىڭ ورتاشا جالاقىسى قازىردىڭ وزىندە 421 مىڭ تەڭگەگە دەيىن ءوستى. ورتاشا مەديتسينا قىزمەتكەرىنىڭ جالاقىسى شامامەن 235 مىڭ تەڭگەنى قۇرادى», دەدى اجار عينيات ۇكىمەت وتىرىسىندا.
مينيستر سونداي-اق ءمامس اياسىندا حالىقتىڭ قىمبات مەديتسينالىق قىزمەتتەرگە قولجەتىمدىلىگى ارتقانىن حابارلادى. قازىرگى ۋاقىتتا 886 مىڭعا جۋىق قىمبات مەديتسينالىق قىزمەت كورسەتىلدى.
«جوعارىدا اتالعان شارالاردى جۇزەگە اسىرۋدىڭ ارقاسىندا اۋىلدىق ەلدى مەكەندەردى العاشقى مەديتسينالىق-سانيتارلىق كومەكپەن جانە كونسۋلتاتيۆتىك-دياگنوستيكالىق قىزمەتتەرمەن قامتۋ 49%-عا دەيىن ۇلعايتىلدى. مەديتسينالىق كومەكتىڭ كەپىلدىك بەرىلگەن كولەمى مەن مىندەتتى مەديتسينالىق ساقتاندىرۋ جۇيەسى اياسىندا امبۋلاتوريالىق دەڭگەيدە مەديتسينالىق كومەك كورسەتۋ كولەمى 56 پايىزعا جەتكىزىلدى», دەدى ا.عينيات.
