تاراپتار ساياسي ديالوگتى دامىتۋعا, ساۋدا-ەكونوميكالىق ىنتىماقتاستىقتى كەڭەيتۋگە ەرەكشە نازار اۋدارا وتىرىپ, قازاقستان مەن ەۋروپالىق وداق اراسىنداعى ستراتەگيالىق ارىپتەستىكتى نىعايتۋ پەرسپەكتيۆالارىن تالقىلادى.
قاسىم-جومارت توقاەۆ پەن شارل ميشەل قازاقستان پرەزيدەنتىنىڭ 2021 جىلعى قاراشا ايىندا بريۋسسەلگە رەسمي ساپارىنىڭ قورىتىندىسى بويىنشا قول جەتكىزىلگەن ۋاعدالاستىقتاردى ىسكە اسىرۋدىڭ بارىسىنا كوڭىلدەرى تولاتىنىن اتاپ ءوتتى.
مەملەكەت باسشىسى شارل ميشەلدى قازاقستاندا جۇزەگە اسىرىلىپ جاتقان اۋقىمدى ساياسي جانە ەكونوميكالىق رەفورمالار تۋرالى حاباردار ەتتى.
قاسىم-جومارت توقاەۆ پەن ەۋروپالىق كەڭەستىڭ پرەزيدەنتى تۇراقتى بايلانىس ورناتۋعا كەلىستى.
قازاقستان پرەزيدەنتى كەزدەسۋ سوڭىندا شارل ميشەلدى ەلىمىزگە ساپارمەن كەلۋگە شاقىردى.
