پوليتسەي پارا ۇستىندە ۇستالدى

«دانىككەننەن قۇنىققان جامان» دەيدى. بۇعان كونبەسە, «دانىككەن قارساق قۇيرىعىمەن ءىن قازادى» دەپ تاعى ايتادى. اقىرى بولماعان سوڭ «ەت ساسىسا تۇز سەبەرسىڭ, تۇز ساسىسا نە سەبەرسىڭ؟!» دەپ قامكوڭىل تارتادى. مىنە, سونىڭ ناقتى كورىنىسى. «اقساي» پوليتسيا ءبولىمىنىڭ باسشىسى  ءا.قاينازار  پارا ۇستىندە ۇستالعاندا تاعى ءبىر ايقىندالا ءتۇستى. ول ءبىر ادامدى قىلمىستىق جاۋاپكەرشىلىككە تارتپاۋ جانە «اقساي» پوليتسيا ءبولىمىنىڭ وندىرىسىندەگى ءىستى قىسقارتۋ ءۇشىن  5000 اقش دوللارى كولەمىندەگى پارا تالاپ ەتەدى. اقىرىندا 620 000 تەڭگە پارا العانى ءۇشىن ايىپتالادى. اتاپ ايتقاندا, 2014 جىلعى 17 ساۋىردە ءا.قاينازار ءوزىنىڭ قىزمەتتىك اۆتوكولىگىندە 200 000 تەڭگە كولەمىندە پارا العان. ەرتەسىنە پارا سوماسىنىڭ ءبىر بولىگىن, ياعني 120 000 تەڭگە الىپ جاتقانى تاعى قۇجاتتالعان. ال 22 ساۋىردە ءا.قاينازار ءوزىنىڭ قىزمەتتىك اۆتوكولىگىندە قالعان پارا سوماسى – 300 000 تەڭگە الىپ, وقيعا ورنىنان بوي تاسالاپ قاشقان. بىراق قارجى پوليتسياسى قىزمەتكەرلەرىنىڭ ۋاقتىلى ءىس-ارەكەتى ناتيجەسىندە ۇستال­­دى. وسىلايشا, 24 ساۋىردە قى­زىلوردا قالالىق سوتى ءا.قاي­نازاردى قاماۋعا الۋعا سانكتسيا بەردى. بۇگىندە قىلمىستىق ءىس تەرگەلىپ جاتىر. ەرجان بايتىلەس, «ەگەمەن قازاقستان». قىزىلوردا.