«وزگە ەمەس, ءوزىم ايتام ءوز جايىمدى...»

ەل گازەتى «ەگەمەننىڭ» ەلدە تۇراتىن ارداگەرى داۋلەت سەيسەن ۇلىنىڭ كەزەكتى تۋىندىسى وسىلاي دەپ اتالادى. كىتاپ اتىنا وراي اۆتور بۇل ەڭبەگىندە ءوزىنىڭ كوپ جىلعى جۋرناليستىك ءومىر جولىمەن بىرگە, ۇلىلار ەلىندەگى سان قيلى وقيعالاردى, بەيبىت كۇندە قىرىق جىلعا سوزىلعان اتوم اپاتىنىڭ تراگەديالىق سالدارىن, ەلىمىز ەگەمەندىككە قول جەتكىزگەننەن بەرگى جەردەگى ونداعى وڭ وزگەرىستەر مەن ءالى دە ورىن الىپ كەلە جاتقان ولقىلىقتاردى بايىرعى قالامگەر رەتىندە شىنايىلىقپەن كورسەتىپ, بايىپتى بايلامىن ورتاعا سالادى. سونىمەن بىرگە, كىتاپتا ءار كەزەڭدەردە ەل باسقارعان جەرگىلىكتى ازاماتتار تۋرالى ءسوز قوزعالىپ, ولاردىڭ قوعام دامۋىنا قوسقان ۇلەستەرىن اۆتور وزىندىك وي-پىكىرىمەن تەرەڭنەن اقتارعان. داۋلەت سەيسەن ۇلى ەلباسىمىز «وتانى­­مىزدىڭ باس گازەتى» دەپ ءوزىنىڭ باعاسىن بەر­گەن «ەگەمەندە» از-كەمى جوق شيرەك عاسىر قىز­مەت ەتتى. سول سەبەپتەن دە بولار, جاڭا تۋىندىسىندا سول جىل­دار تۋرالى ەرەكشە تەبىرەنىسپەن ءسوز قوزعاپ, باسىلىمنىڭ ءار كەزەڭدەگى باسشىلا­رى, باسقا دا ارىپتەستەرى تۋرالى جۇرەكجاردى سوزدەرىن ايتقان. ارىپتەسىمىزدىڭ كىتابىندا تىلشىلىك جۇمىستىڭ قىزىعى مەن قيىنشىلىعى دا كولدەنەڭ تارتىلادى. سوعان وراي ەزۋ تارتتىراتىن ءساتتى شتريحتار دا از ەمەس. «ەگەمەننىڭ» تۇراقتى اكتسياسىنا اينالعان « ۇلىلىققا تاعزىم» جاياۋ جورىق ەكسپەديتسياسىنىڭ تۇراق­تى مۇشەسى رەتىندە دە اۆتوردىڭ ەستەلىگى تار­تىمدى. سونىڭ ءبارى قوسىلا كەلگەندە, بۇل كىتاپ بيىلعى جىلدىڭ سوڭىندا 95 جىلدىعى اتاپ وتىلەتىن بايىرعى باسىلىم مەن ونىڭ قالىڭ وقىرماندارىنا تاماشا تارتۋ دەسە دە بولادى. كىتاپتىڭ ءتىلى جەڭىل, باياندالۋى جاتىق, بەزەندىرىلۋى اسەم. ارىپتەسىمىزگە جاڭا تۋىندىڭىز قۇتتى بولسىن دەيمىز. جاقسىباي سامرات,  «ەگەمەن قازاقستان».