ريكاردو كاكا جاتتىقتىراتىن قازاقستاندىق فۋتزالشىلار كەزدەسۋدىڭ العاشقى كەزەڭىندە 0:2 ەسەبىمەن جەڭىلىپ جاتىپ, ماتچ سوڭىندا تاماشا كامبەك جاسادى. قازاقستان قۇراماسى ساپىنان «قايرات» ويىنشىلارى البەرت اقبالىقوۆ, ەدسون جانە دۋگلاس گول سوعىپ, اقتاۋداعى «حالىق ارەنا» سپورت كەشەنىنە جينالعان فۋتزال جانكۇيەرلەرىن قۋانىشقا بولەدى. ەدسون حەت-تريكتىڭ اۆتورى اتانسا, اقبالىقوۆ پەن دۋگلاس ازەربايجان قاقپاسىنا ءبىر گولدان سالدى.
سونداي-اق ماتچ بارىسىندا قازاق فۋتزالىنىڭ اڭىزىنا اينالعان دىنمۇحامەد سۇلەيمەنوۆ كارەراسىن بىرەر جىل بۇرىن اياقتاعان بولسا دا, الاڭعا شىعىپ, ۇلتتىق قۇراما ساپىنداعى 100-ءشى ويىنىن وتكىزدى. 41 جاستاعى ارداگەر فۋتبولشىعا فەدەراتسيا تاراپىنان ارنايى قۇرمەت كورسەتىلدى. ايتا كەتەيىك, ۇلتتىق قۇراما 8 قازان كۇنى الەم چەمپيوناتىنىڭ نەگىزگى ىرىكتەۋ كەزەڭىندەگى العاشقى ويىنىن ءوز ەلىمىزدە سلوۆەنيامەن وتكىزەدى.
