22 جاستاعى ج.قۇلامباەۆا يتالياداعى دودادا لاتۆيالىق داريا سەمەنيستايامەن بىرگە جۇپ قۇراپ, فينالدا قىتايلىق دجينگ ليۋ مەن بوسنيالىق انيتا ۆاگنەردى تىزە بۇكتىرىپ, جارىستىڭ باس جۇلدەسىن ولجالادى. ءبىر ساعاتتان استام ۋاقىتقا جالعاسقان ماتچتا قازاقستاندىق-لاتۆيالىق جۇپ ەكى سەتتە 6:2, 6:2 ەسەبىمەن جەڭىسكە جەتتى. وسىلايشا, جىبەك بيىلعى ماۋسىمدا ITF جارىستارىنداعى بەسىنشى تيتۋلىنا قول جەتكىزدى. ول سپورتتىق جولىندا جۇپتىق سىندا بارلىعى 19 رەت ۇزدىك شىقتى. وعان قوسا, ەكى مارتە جەكەلەي جارىستىڭ چەمپيونى اتانعان.
سونداي-اق قازاقستاندىق ءجاسوسپىرىم تەننيسشىلەر ازەربايجان استاناسى – باكۋدە وتكەن 14 جانە 16 جاسقا دەيىنگىلەر اراسىنداعى Tennis Europe دوداسىندا تابىستى ونەر كورسەتتى. اتاپ ايتقاندا, Team Kazakhstan اكادەمياسىنىڭ تۇلەكتەرى دەميد گورباچەۆ پەن مانسۇر شاكەن جۇپتىق سىندا قارسىلاس شاق كەلتىرمەدى. ولار فينالدا يراندىق كيراش حانيفي مەن تۇركيالىق بارۋك سيۆاسليدەن ايلاسىن اسىردى – 6:2, 6:2.
