قۇجات تۇتىنۋشىلاردىڭ قۇقىقتارىن قورعاۋ سالاسىنداعى قوعامدىق قاتىناستاردى رەتتەپ, تۇتىنۋشىلاردىڭ قۇقىقتارىن قورعاۋدىڭ قۇقىقتىق, ەكونوميكالىق جانە الەۋمەتتىك نەگىزدەرىن ايقىندايدى.
اتاپ ايتقاندا, قۇجات ومبۋدسمەننىڭ تۇتىنۋشىلاردىڭ قۇقىقتارىن قورعاۋ ماسەلەلەرى جونىندەگى فۋنكتسيالارى مەن وكىلەتتىكتەرىن, ونى تاعايىنداۋ جانە قىزمەتتەن بوساتۋ ءتارتىبىن ايقىندايدى.
وسىلايشا, پرەزيدەنت ومبۋدسمەندى ءتورت جىل مەرزىمدى قىزمەتكە تاعايىندايدى. بۇل رەتتە ومبۋدسمەن مەرزىمىنەن بۇرىن قىزمەتىنەن بوساتىلۋى مۇمكىن.
ومبۋدسمەن لاۋازىمىنا تاعايىندالاتىن ۇمىتكەر كەلەسى تالاپتارعا جاۋاپ بەرۋى ءتيىس:
- قازاقستان رەسپۋبليكاسىنىڭ ازاماتى بولۋ جانە قازاقستان اۋماعىندا سوڭعى ون جىل بويى تۇراقتى تۇرۋ;
- جوعارى ءبىلىم;
- جەكە نەمەسە زاڭدى تۇلعالاردىڭ قۇقىقتارى مەن زاڭدى مۇددەلەرىن قورعاۋ بويىنشا كەمىندە بەس جىل جۇمىس تاجىريبەسىنىڭ بولۋى;
- كەم دەگەندە 35 بەس جاستا بولۋ;
- قازاق جانە ورىس تىلدەرىن مەڭگەرۋ.
زاڭ جوباسى تۇتىنۋشىلاردىڭ قۇقىقتارىن قورعاۋ جونىندەگى قوعامدىق بىرلەستىكتەردىڭ قىزمەتىن دە ايقىندايدى.
تۇتاستاي العاندا, زاڭ جوباسى بويىنشا تۇتىنۋشىلاردىڭ قۇقىقتارى كەلەسى قاعيداتتارعا نەگىزدەلىپ قورعالادى:
- زاڭدىلىق, وبەكتيۆتىلىك جانە جاريالىلىق;
- تۇتىنۋشىلاردى قاۋىپسىز جانە ساپالى تاۋارلارمەن (جۇمىس ناتيجەلەرىمەن, كورسەتىلەتىن قىزمەتتەرمەن) قامتاماسىز ەتۋ;
- تۇتىنۋشىلاردىڭ ءوز قۇقىقتارى مەن زاڭدى مۇددەلەرىن قورعاۋ ماسەلەلەرىندە قۇقىقتىق ساۋاتتىلىعىن ارتتىرۋ جانە اعارتۋ;
- تۇتىنۋشىلاردىڭ قۇقىقتارىن قورعاۋ جۇيەسىنىڭ تيىمدىلىگىن قامتاماسىز ەتۋ;
- ساتۋشى (دايىنداۋشى, ورىنداۋشى) ۇسىناتىن تاۋارلار (جۇمىستار, كورسەتىلەتىن قىزمەتتەر)تۋرالى اقپاراتتىڭ قولجەتىمدىلىگى جانە انىقتىعى;
- تۇتىنۋشىلاردىڭ ءال-اۋقاتىن ارتتىرۋ ءۇشىن ولاردىڭ ەكونوميكالىق مۇددەلەرىنە جاردەمدەسۋ;
- جەكە اقپاراتتى جانە تۇتىنۋشىلار تۋرالى دەرەكتەردى قورعاۋدى قامتاماسىز ەتۋ.
زاڭ جوباسىنىڭ تولىق نۇسقاسى 7 قازانعا دەيىن جاريا تالقىلاۋ ءۇشىن اشىق نقا سايتىنا ورنالاستىرىلعان.
