ديپلوماتيالىق وكىلدىكتىڭ عيماراتىنا كەلۋشىلەر كىرەبەرىستەگى قازاقستاندىق فوتوگرافتار تۇسىرگەن تۋىندىلارمەن تانىسا الادى. ەۋروپالىق وداق استاناسىنىڭ جۇزدەگەن تۇرعىندارى مەن قوناقتارى قازاق كيىز ءۇيىنىڭ جابدىقتارىمەن جانە ەلىمىزدىڭ باي مادەنيەتى مەن الۋان ءتۇرلى تابيعاتىن بەينەلەيتىن كورمەمەن جاقىنىراق تانىسىپ, دومبىرا ءۇنىن تىڭداپ, قازاقتىڭ ۇلتتىق كيىمدەرىن كيىپ, ەستەلىك سۋرەتكە ءتۇستى.
ەلشىلىك قوناقتارى, ونىڭ ىشىندە بەلگيالىق ساياساتكەرلەر, كاسىپكەرلەر, ديپلوماتتار, ەلىمىزدىڭ مۋزىكالىق ونەرىمەن, ەلدىڭ تۋريستىك الەۋەتى, قازاقستاندىق سەرىكتەستەرمەن ىسكەرلىك بايلانىستاردى ورناتۋ جانە نىعايتۋ مۇمكىندىكتەرى تۋرالى سۇراقتار قويدى. كەيبىرەۋلەرى الەمدىك جانە ءداستۇرلى دىندەر ليدەرلەرىنىڭ VII سەزىنە قاتىسۋ ءۇشىن ريم پاپاسى فرانتسيسكتىڭ جاقىندا استاناعا جاساعان مەملەكەتتىك ساپارى ارقىلى قازاقستانعا قىزىعۋشىلىق تانىتقانىن ايتتى.
جىل سايىن قىركۇيەكتىڭ ورتاسىندا اتاپ وتىلەتىن «ەۋروپالىق مۇرالار كۇندەرىنە» العاش رەت قاتىسقان قازاقستاننىڭ بريۋسسەلدەگى ەلشىلىگى بەلگيا مەن ەۋرووداقتىڭ استاناسىندا ەلىمىزدىڭ باي مادەنيەتىن, تۋريستىك جانە ينۆەستيتسيالىق الەۋەتىن تانىستىرۋ ماقساتىنداعى بەلسەندى جۇمىسىن ءالى دە جالعاستىرماق.
