«وتانداسىمىز گەننادي گولوۆكيننىڭ @gggboxing كەزەكتى تاريحي جەكپە-جەگىنە كۋا بولدىق. بۇل كەزدەسۋدە بابى مەن باعى قاتار شاپپاسا دا ول ءبىز ءۇشىن قاشاندا چەمپيون بولىپ قالا بەرەدى. بۇعان دەيىن تالاي مارتە جارقىن جەڭىستەرىمەن بارشامىزعا قۋانىش سىيلاعان سپورتشىمىزدى ءبىز ءاردايىم قولدايمىز.
گەننادي گولوۆكين ەل سپورتىن دامىتۋعا, قازاق بوكسىن الەمگە تانىتۋعا ۇلكەن ۇلەس قوستى. ونىڭ چەمپيوندىق جولداعى قاجىرلى ەڭبەگى, توزىمدىلىگى مەن تاباندىلىعى ءاربىر قازاقستاندىق اتلەت ءۇشىن ۇلگى-ونەگە ەكەنى ءسوزسىز. گولوۆكينگە ەلىكتەپ وسكەن جاس بوكسشىلارىمىز شارشى الاڭدا ءالى تالاي اتوي سالادى دەپ سەنەمىز.
چەمپيونىمىزعا الداعى ۋاقىتتا تەك ساتتىلىك تىلەيمىز! ءبىز سەنى ءاردايىم ماقتان تۇتامىز, گەنا!», دەلىنگەن instagram-داعى پاراقشاسىندا.
