گولوۆكين مەن «كانەلو» ءۇشىنشى رەت لاس-ۆەگاستاعى T-Mobile Arena-دا كەزدەستى. جەكپە-جەك ون ەكى راۋندقا ەسەپتەلگەن. ساراپقا سۋپەر ورتا سالماقتاعى ءابسوليۋتتى الەم چەمپيونى اتاعى سالىندى.
جەكپە-جەك تورەشىلەردىڭ ءبىراۋىزدان قابىلداعان شەشىمىمەن الۆارەستىڭ جەڭىسىمەن اياقتالدى.
وسىلايشا ساۋل «كانەلو» الۆارەس كاسىبي مانسابىندا 58-ءشى جەڭىسكە جەتىپ, 168 فۋنتتا الەمنىڭ ءابسوليۋتتى چەمپيونى اتاعىن قورعادى, ال گەننادي گولوۆكين ەكىنشى رەت جەڭىلىس تاپتى.
ەسكە سالا كەتسەك, گولوۆكين مەن «كانەلونىڭ» العاشقى جەكپە-جەگى 2017 جىلى تەڭ ناتيجەمەن اياقتالعان ەدى, ال 2018 جىلى تورەشىلەر جەڭىستى كوپشىلىك داۋىسپەن مەكسيكالىققا بەرگەن بولاتىن.
