جيىندا وبلىس اكىمى ارحيمەد مۇحامبەتوۆ, توتەنشە جاعدايلار ءمينيسترى يۋري يلين, يندۋستريا جانە ينفراقۇرىلىمدىق دامۋ ءمينيسترى قايىربەك وسكەنباەۆ, ەكولوگيا, گەولوگيا جانە تابيعي رەسۋرستار ءمينيسترى سەرىكقالي برەكەشەۆ, اۋىل شارۋاشىلىعى ءمينيسترى ەربول قاراشوكەەۆ, سونداي-اق ۇلتتىق ەكونوميكا ۆيتسە-ءمينيسترى باۋىرجان وماربەكوۆ بايانداما جاسادى.
پرەمەر-مينيستر جاقىندا قوستاناي وبلىسىندا بولعان ورمان ورتتەرى جەرگىلىكتى تۇرعىندار مەن ينفراقۇرىلىمعا ايتارلىقتاي زيان كەلتىرگەنىن, ادام ولىمىنە اكەلگەنىن اتاپ ءوتتى. وسىعان بايلانىستى ءاليحان سمايىلوۆ ورمان شارۋاشىلىعى توڭىرەگىندە قۇتقارۋ جۇمىستارىن جۇرگىزۋ قاجەتتىگىن اتاپ ءوتتى.
«تىكۇشاق تەحنيكاسىنىڭ جاقىن جەردەن سۋ الىپ, ءورتتى ءسوندىرۋىن جەڭىلدەتۋ ماقساتىندا ورمان القاپتارىنىڭ جانىنداعى سۋ قويمالارىنىڭ ءتۇبىن تەرەڭدەتۋ جۇمىستارىن جۇرگىزۋ قاجەت. ءبىز تىكۇشاقتار پاركىن ءۇش ەسە ۇلعايتۋ ءۇشىن قوسىمشا سۋقاشىرتقى قۇرىلعىلاردى ساتىپ الامىز, ولاردى ءورت ءسوندىرۋ ءۇشىن پايدالانۋعا بولادى. بۇل قوستاناي وبلىسىن قوسا العاندا, بارلىق وڭىرلەرگە قاتىستى», دەدى ءاليحان سمايىلوۆ.
كەڭەس بارىسىندا پرەمەر-مينيستر ءوڭىر اكىمدىگىنىڭ ءبىلىم بەرۋ سالاسىنداعى كەمشىلىكتەرىنە دە نازار اۋداردى. ءاليحان سمايىلوۆ ءوڭىردىڭ 7 مەكتەبىندە كۇردەلى جوندەۋ جۇمىستارىنىڭ اياقتالۋ مەرزىمىنىڭ كەشىكتىرىلگەنىن, سونىڭ سالدارىنان بالالار بەيىمدەلمەگەن جەرلەردە (بالاباقشالار, مادەنيەت ۇيلەرى, اۋىل اكىمدىكتەرىنىڭ عيماراتتارى) وقۋعا ءماجبۇر ەكەنىن اتاپ ءوتتى.
«بۇل ماسەلەنى شەشۋ ءۇشىن جەدەل شارالار قابىلداۋ قاجەت. جالپى ءبىلىم بەرۋ سالاسىنا جاۋاپكەرشىلىكپەن قاراۋ كەرەك, ويتكەنى بالالارعا وقۋ ءۇشىن ءتيىستى جاعدايلار جاسالۋى ءتيىس», دەپ اتاپ ءوتتى ءاليحان سمايىلوۆ.
ەكونوميكالىق ماسەلەلەر بويىنشا پرەمەر-مينيستر وبلىس تۇرعىندارىنىڭ ءال-اۋقاتىن ارتتىرۋ ءۇشىن بۇكىل ءوڭىردىڭ الەۋمەتتىك-ەكونوميكالىق دامۋىنا سەرپىن بەرە الاتىن ينۆەستيتسيالىق جوبالاردى ىسكە قوسۋ بويىنشا جۇمىس جۇرگىزۋ قاجەتتىگىن اتاپ ءوتتى.
«بۇل اكىمدىك باسشىلىعىنىڭ باستى مىندەتتەرىنىڭ ءبىرى. ول ءۇشىن مەملەكەت تاراپىنان بارلىق جاعداي جاسالعان, تۇراقتى نەگىزدە قاجەتتى قولداۋ كورسەتىلىپ جاتىر», دەدى ءاليحان سمايىلوۆ.
ونىڭ ايتۋىنشا, «قۋاتتى وڭىرلەر – ەل دامۋىنىڭ درايۆەرى» ۇلتتىق جوباسى جانە «اۋىل – ەل بەسىگى» باعدارلاماسى اياسىندا قوستاناي وبلىسىنا 32 اۋىلدىق ەلدى مەكەندە 75 جوبانى ىسكە اسىرۋعا 6,7 ملرد تەڭگە ءبولىندى. جالپى ءوڭىردى دامىتۋعا 2022 جىلى رەسپۋبليكالىق بيۋدجەتتەن 115,9 ملرد تەڭگە, سونداي-اق بيۋدجەتتى ناقتىلاۋ اياسىندا تاعى 31,7 ملرد تەڭگە ءبولىندى.
«بۇل قاراجات ەڭ الدىمەن الەۋمەتتىك قاجەتتىلىكتەرگە, وبلىستىڭ ينفراقۇرىلىمى مەن اگروونەركاسىپتىك كەشەنىن دامىتۋعا باعىتتالعان. اكىمدىك اتالعان قاراجاتتىڭ ءتيىمدى پايدالانىلۋىن قامتاماسىز ەتۋى ءتيىس», دەپ اتاپ ءوتتى پرەمەر-مينيستر.
ءاليحان سمايىلوۆ ازىق-ت ۇلىكتىڭ جەتىسپەۋشىلىگى مەن باعاسىنىڭ نەگىزسىز وسۋىنە جول بەرمەۋ بويىنشا جوسپارلى جۇمىس جۇرگىزۋ قاجەتتىگىنە دە نازار اۋداردى. ونىڭ ايتۋىنشا, اكىمدىك وسى باعىتتا قولدانىستاعى تەتىكتەردى پايدالانۋدى جانداندىرۋى كەرەك.
سونىمەن قاتار پرەمەر-مينيستر ءوڭىر ەكونوميكاسىن ودان ءارى ءارتاراپتاندىرۋدىڭ ماڭىزدىلىعىن اتاپ ءوتتى. ماسەلەن, 2022 جىلى وبلىستا $38 ملرد-قا 45 جاڭا جوبانى ىسكە قوسۋ جوسپارلانعان.
«ينۆەستيتسيالىق جوبالاردى ىسكە قوسۋ جاڭا جۇمىس ورىندارىنىڭ اشىلۋىنا سەپتىك ەتەدى. وبلىس اكىمدىگى ينۆەستورلار ءۇشىن بارلىق قاجەتتى جاعدايلاردى جاساۋ جانە بەلگىلەنگەن جوبالاردى ۋاقىتىلى ىسكە قوسۋ جونىندەگى جۇمىستى جالعاستىرۋى كەرەك», دەدى ءاليحان سمايىلوۆ.
قورىتىندىلاي كەلە, پرەمەر-مينيستر جىلۋمەن جابدىقتاۋ جوبالارىن ىسكە اسىرۋعا قاراجات ءبولۋ ماسەلەسىن پىسىقتاۋدى, «قوستاناي-دەنيسوۆكا» كولىك جولىن رەكونسترۋكتسيالاۋ جونىندەگى جوبانى ۋاقىتىلى قارجىلاندىرۋدى قامتاماسىز ەتۋدى, 2022 جىلدىڭ سوڭىنا دەيىن جەرگىلىكتى ماڭىزى بار جولداردىڭ جاعدايىن جاقسارتۋ جونىندە شارالار قابىلداۋدى تاپسىردى.
بۇدان باسقا, ءاليحان سمايىلوۆ وبلىستا بولاشاقتا كوپفۋنكتسيونالدى مەديتسينالىق مەكەمە بولىپ ۇلعايتىلاتىن جاڭا پەريناتالدىق ورتالىق سالۋ ماسەلەسىن, اۋليەكول اۋدانىنىڭ «دوستىق» بالالار مادەني جازعى ساۋىقتىرۋ كەشەنىن قالپىنا كەلتىرۋ ءۇشىن قاراجات ءبولۋ, سونداي-اق توبىل قالاسىندا ەمحانا قۇرىلىسىن قارجىلاندىرۋ جانە باسقا دا بىرقاتار ماسەلەنى پىسىقتاۋدى تاپسىردى.
