«بۇل مەنى جۇرتشىلىقپەن جانە ۇكىمەتتىك ەمەس ۇيىمدارمەن بايلانىس, ءباسپاسوز جانە ەلەكتروندى باق-پەن ءوزارا ءىس-قيمىل, جۇرتشىلىقتى اقتوبە وبلىسى اكىمدىگىنىڭ قىزمەتى تۋرالى حاباردار ەتىپ, اقپاراتتاندىرۋدى ارتتىرۋ ءۇشىن جاۋاپتى ەتەدى. سونداي-اق ءوڭىردىڭ يدەولوگياسىن, ىشكى ساياسات پەن جاستار ساياساتى ماسەلەلەرىن جاۋاپكەرشىلىگىمە الامىن. جاڭا قىزمەتكە كىرىسە وتىرا سىزدەرمەن تىلدەسىپ, ىنتىماقتاس بولۋعا دايىن ەكەنىمە سەندىرگىم كەلەدى. وبلىس اكىمىنىڭ ءباسپاسوز قىزمەتى جۇمىسى «حالىق ۇنىنە قۇلاق اساتىن مەملەكەت» تۇجىرىمداماسىن ساپالى جۇزەگە اسىرۋعا باعىتتالاتىن بولادى. ءبىز سىزدەردىڭ كاسىبي قىزمەتتەرىڭىزگە قولداۋ كورسەتىپ, كومەكتەسۋگە ارقاشان دايىنبىز», دەدى ەرجان بايتاناەۆ.
ايتا كەتەيىك, ەرجان حالي ۇلى بايتاناەۆ 1983 جىلى 23 قاڭتاردا دۇنيەگە كەلگەن. 4 جوعارى ءبىلىمى بار - قازاق ءتىلى مەن ادەبيەتى فيلولوگى, مەملەكەتتىك باسقارۋ مامانى, زاڭ عىلىمدارىنىڭ ماگيسترى. 2016 جىلى رەسەي فەدەراتسياسى پرەزيدەنتى جانىنداعى حالىق شارۋاشىلىعى جانە مەملەكەتتىك قىزمەت اكادەمياسىنىڭ قۇقىق جانە ۇلتتىق قاۋىپسىزدىك ينستيتۋتىن ۇزدىك ءبىتىرىپ, عىلىمي جۇمىسىن قورعادى. قازاقستان رەسپۋبليكاسى پرەزيدەنتىنىڭ «بولاشاق» حالىقارالىق ستيپەندياسىنىڭ تۇلەگى. ەڭبەك جولىن وڭىرلىك جانە رەسپۋبليكالىق باق-تاردا باستاعان.
2004-2007 جج. جامبىل وبلىسى جانە استانا قالاسى بويىنشا «كتك» تەلەارناسىنىڭ قۇقىقتىق باعدارلامالار رەداكتسياسىنىڭ رەداكتورى, مەنشىكتى ءتىلشىسى بولدى.
2008 – 2013 جج. قازاقستان رەسپۋبليكاسى قارجى مينيسترلىگى كەدەندىك باقىلاۋ كوميتەتىنىڭ رەسمي وكىلى - ءباسپاسوز قىزمەتىنىڭ باستىعى بولدى.
2013 – 2014 جج. قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسىنىڭ رەسمي وكىلى - ءباسپاسوز قىزمەتىنىڭ باسشىسى بولىپ جۇمىس ىستەدى.
2014 – 2016 جج. رەسەي فەدەراتسياسى پرەزيدەنتى جانىنداعى حالىق شارۋاشىلىعى جانە مەملەكەتتىك قىزمەت اكادەمياسىنىڭ قۇقىق جانە ۇلتتىق قاۋىپسىزدىك ينستيتۋتىنىڭ تىڭداۋشىسى.
2016 – 2017 جج. قازاقستان رەسپۋبليكاسى ءدىن ىستەرى جانە ازاماتتىق قوعام مينيسترلىگىنىڭ ءباسپاسوز قىزمەتىنىڭ باسشىسى – ءمينيستردىڭ ءباسپاسوز حاتشىسى.
2017 – 2018 جج. قازاقستان رەسپۋبليكاسى اۋىل شارۋاشىلىعى مينيسترلىگىنىڭ جۇرتشىلىقپەن بايلانىس باسقارماسىنىڭ باسشىسى - قازاقستان رەسپۋبليكاسى پرەمەر-ءمينيسترى ورىنباسارىنىڭ ءباسپاسوز حاتشىسى.
2018 – 2019 جج. «قتج» ۇك اق – «ماگيسترالدىق جەلى ديرەكتسياسى» فيليالىنىڭ ءباسپاسوز حاتشىسى.
08.11.2019 – 13.09.2022 جج. سانيتاريالىق-ەپيدەميولوگيالىق باقىلاۋ كوميتەتىنىڭ رەسمي وكىلى – جۇرتشىلىقپەن بايلانىس باسقارماسىنىڭ باسشىسى.
03.03.2020 - 13.09.2022 جج. قر پرەمەر-ءمينيسترى ورىنباسارىنىڭ ءباسپاسوز حاتشىسى لاۋازىمىن اتقاردى.
