جالپى ساراپتاپ ايتاتىن بولساق, بايقاۋدا ۇزدىك دەپ تانىلعان شەتەل جۋرناليستەرى ەلىمىزدە جۇرگىزىلىپ جاتقان رەفورمالار مەن «جاڭا قازاقستان» تۇجىرىمداماسى, پرەزيدەنت ق.توقاەۆتىڭ حالىققا جولداۋىنىڭ مازمۇنى جانە اوسشك التىنشى ءسامميتى سەكىلدى ەلدەگى ماڭىزدى ءىس-شارالار تۋرالى حاباردار. ەلدىڭ سىرتقى ساياساتى تۋرالى دا پايىمدارى سالماقتى.
سىرتقى ىستەر ءمينيسترىنىڭ ورىنباسارى رومان ۆاسيلەنكونىڭ ايتۋىنشا, جىل سايىن ۇيىمداستىرىلاتىن بايقاۋعا شەتەلدىك باق وكىلدەرىنىڭ قاتىسۋ قارقىنى مەن قىزىعۋشىلىعى ارتىپ كەلەدى. وسى جىلى الەمنىڭ 40 ەلىنەن 50-دەن استام ساراپتامالىق ماتەريال قابىلدانعان. شەتەلدىك جۋرناليستەردىڭ باسىم بولىگى «جاڭا قازاقستان» اياسىندا ەكونوميكالىق جانە الەۋمەتتىك رەفورمالار تاقىرىبىن قوزعاعان.
بريتاندىق بلوگەر تريستان حيۋزدىڭ The Ancients/«ەجەلگى قازاقستان: ۇلى دالانىڭ التىنى» پودكاستى, گرۋزين ساياساتتانۋشىسى, جۋرناليست گۇلباات رتسحيلادزەنىڭ قازاقستان مەن گرۋزيا اراسىنداعى تاريحي بايلانىستار تاقىرىبىنداعى ماقالاسى, اقش ءجۋرناليسى دونوۆان ماككەنزيدىڭ Ottawa Life Magazine جۋرنالىندا جاريالاعان ماقالاسى, The Korea Herald كۇندەلىكتى گازەتىنىڭ ءتىلشىسى سانجاي كۋماردىڭ ماقالاسى, ماروككونىڭ Le Matin جانە 12.ma باسىلىمدارىنىڭ ءتىلشىسى دريسس لياكۋبي جانە ANKASAM-نىڭ ورتالىق ازيا ماسەلەلەرى جونىندەگى تۇرىك ساراپشىسى ەمراز كايننىڭ جاريالانىمدارى جوعارى باعالانىپ, كونكۋرس جەڭىمپازى اتاندى. سونداي-اق «تۋريزم» نوميناتسياسى بويىنشا كۋۆەيتتەن كەلگەن ترەۆەل-بلوگەر حاليد المۋتايري ەل ءتۋريزمىن جوعارى دەڭگەيدە ناسيحاتتاعانى ءۇشىن جەڭىسكە لايىق دەپ تانىلدى. اتالعان بلوگەر, جۋرناليستەر قازاقستانعا كەلىپ, نۇر-سۇلتان, بۋراباي, تۇركىستان جانە الماتىمەن تانىستى. سول كەزدە ەلدە ءوتىپ جاتقان الەمدىك جانە ءداستۇرلى دىندەر كوشباسشىلارىنىڭ VII سەزىنە ارنالعان ءىس-شارالارعا قاتىسۋعا مۇمكىندىك الدى.
«قازىرگى ۋاقىتتا جۋرناليستەر قوعامدىق ديپلوماتتار بولىپ تابىلادى. حالىقتار مەن ەلدەر اراسىنداعى سەنىم ازايدى, سوندىقتان كاسىبي جۋرناليستيكانىڭ ءرولى ءبىزدىڭ زامانىمىزدا ەرەكشە ماڭىزدى. شەتەلدىك جۋرناليستەردىڭ ءبىزدىڭ ەلگە دەگەن قىزىعۋشىلىعىنىڭ ارتۋى قۋانتادى. 2014 جىلدان باستاپ بەرىلەتىن وتىنىمدەر سانى عانا ەمەس, سونىمەن قاتار قوزعالاتىن تاقىرىپتار اۋقىمى دا ءوستى, اتاپ ايتقاندا تۋريزمنەن قوعامدىق-ساياسي ماسەلەلەرگە دەيىنگى بارلىق تاقىرىپتار قامتىلدى», دەدى جەڭىمپازداردى ماراپاتتاۋ جيىنىندا باس رەداكتورلار كلۋبىنىڭ پرەزيدەنتى بيبىگۇل جەكسەنباي. ال Kazakh Tourism ۇلتتىق كومپانياسى اق باسقارۋشى ديرەكتورى دانيەل سەرجان ۇلى: «بۇل بايقاۋدا «تۋريزم» نوميناتسياسىنىڭ قوسىلۋى كەزدەيسوق بولا قويعان جوق. ەلىمىز اتالعان سالانى دامىتۋ ماقساتىندا بىرنەشە باعىت بويىنشا جۇمىس جۇرگىزۋدە. كۋۆەيت ءتىلشىسىنىڭ ەلىمىزدىڭ تۋريزم سالاسى تۋرالى جارىققا شىققان ەلەكتروندى جولسىلتەمەسى اراب ەلدەرىنەن كەلەتىن تۋريستەر سانىنىڭ ارتۋىنا سەپتىگىن تيگىزەدى دەگەن ۇمىتتەمىن», دەدى.
