«بايتەرەك» ۇلتتىق باسقارۋشى حولدينگىنىڭ باسقارما توراعاسى قانات شارلاپاەۆتىڭ ايتۋىنشا, مەنشىك قۇقىعىنا كوشۋ بويىنشا ترانزاكتسيا 1 قىركۇيەكتە جابىلعان. ەندى, مىندەتتى تۇردە رەبرەندينگ بولادى.
«جاڭا بانك Bereke Bank دەپ اتالادى. بۇل قازاقشا جاقسى ءسوز – ءبىر-بىرىمىزگە تىلەيمىز. مەنىڭشە, بۇل قارجى ينستيتۋتىنىڭ وسىعان دەيىنگى اتقارعان قۇندىلىقتارى مەن تالپىنىسىنا ساي كەلەدى جانە كەلەشەكتە دە جالعاسادى دەپ ۇمىتتەنەمىز», دەيدى ق.شارلاپاەۆ.
بۇل تۋرالى قازاقستان قور بيرجاسىنىڭ (KASE) رەسمي سايتىندا دا جاريالاندى. سونداي-اق ديرەكتورلار كەڭەسىنىڭ مۇشەلەرى – ناتاليا اۆدەەنكو, تيمۋر كوزينتسەۆ جانە ميحايل ءموشياشۆيليدىڭ وكىلەتتىكتەرى مەرزىمىنەن بۇرىن توقتاتىلعان. ولاردىڭ ورنىنا ءۇش جاڭا ادام كەلدى – قانات شارلاپاەۆ, ءادىل مۇحامەدجانوۆ جانە ەرسايىن حاميتوۆ. ۇشەۋى دە «بايتەرەك» وكىلدەرى. ديرەكتورلار كەڭەسىنىڭ بۇرىنعى مۇشەلەرىنەن تەك اسقار ەلەمەسوۆ پەن ماعجان ماديەۆ عانا قالدى.
ەسكە سالايىق, بيىل 2 قىركۇيەكتە «بايتەرەك» ۇبح مەن سبەربانك توبى قازاقستاندىق ەنشىلەس بانكتىڭ 100 پايىز اكتسيا پاكەتىن ساتىپ الۋ-ساتۋ مامىلەسىن اياقتاعان ەدى.
«مامىلە ءوزارا قولايلى شارتتارعا نەگىزدەلدى جانە رەتتەۋشىدەن قاجەتتى ماقۇلداۋلاردى الدى. بانك كليەنتتەر الدىنداعى ءوزىنىڭ مىندەتتەمەسىن ورىنداۋدى جالعاستىرادى جانە بانك ونىمدەرى بويىنشا بارلىق شارت قازىرگى كليەنتتەر ءۇشىن وزگەرىسسىز قالادى. «بايتەرەك» حولدينگى ەلىمىزدىڭ قارجى جۇيەسى ءۇشىن بانكتىڭ ۇلكەن ماڭىزعا يە ەكەنىن باعالايدى. «سبەربانك قازاقستانداعى» وزىندىك زاماناۋي ينفراقۇرىلىم مەن تەحنولوگيا قىزمەتتى جالعاستىرۋعا جانە ەكونوميكانىڭ ناقتى سەكتورىن قارجىلاندىرۋعا مۇمكىندىك بەرەدى. مامىلە ارقىلى بانك بەلسەندى وپەراتسيالار كولەمىن, دەپوزيت تارتۋدى جانە تولەمدەر جۇرگىزۋدى, سونداي-اق حالىق پەن بيزنەس ءۇشىن ونىمدەر مەن قىزمەتتەردى دامىتۋدى تولىق كولەمدە قالپىنا كەلتىرەدى», دەپ حابارلادى «بايتەرەك» ۇبح.
ق.شارلاپاەۆتىڭ ايتۋىنشا, سانكتسيالار الىنعاننان كەيىن Bereke Bank شەتەلدىك ينۆەستورعا ساتىلۋى, ساتۋ پروتسەسىنىڭ 18 ايعا سوزىلۋى مۇمكىن.
«حولدينگتىڭ باستى مىندەتى – بۇرىنعى «سبەربانك قازاقستاننىڭ» قىزمەتىن قالپىنا كەلتىرۋ, سوسىن ساتۋ. جۇمىس رەجىمى قالىپقا كەلۋى ءۇشىن قاجەتتى جاعداي جاسالادى. مۇنىڭ تەك مەنىڭ شەشىمىم ەمەس ەكەنى تۇسىنىكتى. بىراق قارجى نارىعىنداعى ويىنشىلار اراسىندا ۇلكەن باسەكە تۋدىرۋ ءۇشىن شەتەلدىك ينۆەستورعا بەرۋدى دۇرىس دەپ سانايمىن. ءبىرىنشى كەزەكتە بانك SDN تىزىمىنەن شىعارىلۋى كەرەك. بۇل تىزىمدە اقش ازاماتتارىنا بيزنەس جۇرگىزۋگە تىيىم سالىنعان ادامدار مەن ۇيىمدار بار. «ودان كەيىن حالىقارالىق تولەم جۇيەلەرىمەن, رەيتينگتىك اگەنتتىكتەرمەن, باسقا دا ءىرى كونتراگەنتتەرمەن قارىم-قاتىناس جاساۋ الدەقايدا مۇمكىن بولادى», دەيدى «بايتەرەك» باسشىسى.
2022 جىلدىڭ 11 شىلدەسىندە اقش قارجى مينيسترلىگىنىڭ شەتەلدىك اكتيۆتەردى باقىلاۋ باسقارماسى (OFAC) «سبەربانكتىڭ» مامىلە جاساۋ مەرزىمىن 2022 جىلدىڭ 12 شىلدەسىنەن 2022 جىلدىڭ 11 قازانىنا دەيىن ۇزارتاتىن ليتسەنزيانى جاريالاعان ەدى.
وسىعان دەيىن قارجى نارىعىن رەتتەۋ جانە دامىتۋ اگەنتتىگىنىڭ توراعاسى ءمادينا ابىلقاسىموۆا بانكتى تولىقتاي ورنىقتى جانە تولەم قابىلەتىنە يە دەپ مالىمدەدى. «بانككە قوسىمشا كاپيتالداندىرۋ بەرىلمەيدى, جاعدايى ورنىقتى. كاپيتالى جەتكىلىكتى بولعاندىقتان, تولەم قابىلەتى بار. ونىڭ ءوتىمدى اكتيۆتەرى جانە قارىز پورتفەلىنىڭ ساپاسى وتە جوعارى. بانكتى ساتۋدىڭ نەگىزگى سەبەبى – سبەربانكپەن وپەراتسيا جاساۋعا مۇمكىندىك بەرەتىن باس ليتسەنزيانىڭ كۇشى 12 قازاندا بىتەدى. 12 قازاننان كەيىن بانك SDN تىزىمىنە ەنەدى. بۇل تىزىمگە ەنگەن ۇيىمداردىڭ وپەراتسيا جۇرگىزۋ مۇمكىندىكتەرى شەكتەلەدى. وسىعان بايلانىستى بانكتى SDN تىزىمىنەن شىعارۋ ءۇشىن رەسەيلىك اكتسيونەرلەر بانكتى ساتۋعا شەشىم قابىلدادى», دەدى م.ابىلقاسىموۆا.
باتىس سانكتسياسىنا ۇشىراعان تاعى ءبىر ەنشىلەس بانك – «الفا-بانكتىڭ» اتاۋى Eco Center Bank بولىپ اۋىسقانى جانە «بانك تسەنتركرەديتتىڭ» ساتىپ العانى بەلگىلى. جاقىندا Eco Center Bank ءوز قىزمەتىنىڭ تولىقتاي توقتاتىلعانىن مالىمدەدى. مۇنداي شەشىم بانك اكتسيونەرلەرىنىڭ جينالىسىندا قابىلدانعان.
«Eco Center Bank» اق-نىڭ («بانك تسەنتركرەديت» اق ەب) قۇقىقتىق ميراسقورى رەتىندە «بانك تسەنتركرەديت» اق, «Eco Center Bank» اق-نىڭ («بانك تسەنتركرەديت» اق ەب) بارلىق مۇلكىن, قۇقىقتارى مەن مىندەتتەرىن, سونداي-اق ونىڭ بارلىق كرەديتورىنا قاتىستى بارلىق قۇقىقتارى مەن مىندەتتەمەلەرىن بەرۋ تۋرالى وتكىزۋ اكتىسى بەكىتىلسىن. «بانك تسەنتركرەديت» اق جانە «Eco Center Bank» اق («بانك تسەنتركرەديت» اق ەب) «Eco Center Bank» اق («بانك تسەنتركرەديت» اق-نىڭ ەب) «بانك تسەنتركرەديت» اق قوسىلۋى نىسانىندا ەرىكتى تۇردە قايتا ۇيىمداستىرىلۋى شەڭبەرىندە قايتا قۇرىلۋى مۇمكىن», دەلىنگەن قور بيرجاسىنىڭ حابارلاماسىندا.
سانكتسيا سالىنعان تاعى ءبىر ەنشىلەس بانك بار, بۇل – «ۆتب قازاقستان». بىراق سالىنعان سانكتسياعا قاراماستان, اتالعان قارجى ينستيتۋتى قازاقستان نارىعىنداعى جۇمىسىن جالعاستىرىپ جاتىر. بۇعان دەيىن رەسەيدەگى باس ۆتب قازاقستانداعى ەنشىلەس كومپانياسىنا قوسىمشا كاپيتالداندىرۋ جاساعان ەدى.
