كەزدەسۋ جايلى ءماجىلىس توراعاسى ەرلان قوشانوۆ فەيسبۋكتەگى پاراقشاسىندا جازعان.
«پاشەكۋ مىرزا كەشە الەمدىك جانە ءداستۇرلى دىندەر كوشباسشىلارىنىڭ VII سەزىنە قاتىسىپ, دىنارالىق ديالوگتى نىعايتۋداعى قازاقستان ساياساتىن قولدايتىنىن ايتقان ەدى. بۇگىن ماجىلىستەگى جۇزدەسۋدە سەزد قورىتىندىسىن تالقىلاۋدى ودان ءارى جالعاستىردىق.
مەن دۋارتە پاشەكۋدىڭ «الەمدەگى قاقتىعىستاردىڭ كوبى ءدىني سەبەپتەردەن تۋىندايدى» دەگەن پىكىرىمەن كەلىسەمىن. بۇل ورايدا رۋحاني كوشباسشىلار حالىققا ءدىننىڭ جانجالعا سەبەپ بولمايتىنىن جەتە ءتۇسىندىرۋى قاجەت ەكەنىنە كوڭىل اۋدارعان ءجون.
پارلامەنتارالىق وداق باسشىسى قازاقستاننىڭ جانە ەل پرەزيدەنتىنىڭ بۇل ماسەلەدەگى ءرولىن جوعارى باعالاعانىنا قۋانىشتىمىن», دەپ جازدى ە. قوشانوۆ.
سونداي-اق پورتۋگاليانىڭ قازاقستانداعى توتەنشە جانە وكىلەتتى ەلشىسى ماريا دە فاتيما ۆەلەس دە اندرادە مەندەش جانە پارلامەنت سەناتى مەن ءماجىلىسىنىڭ دەپۋتاتتارى قاتىسقان كەزدەسۋدە ىنتىماقتاستىقتى دامىتۋ باعىتتارى تالقىلاندى.
ء«ماجىلىس پەن وداق اراسىنداعى ءوزارا ءىس-قيمىلدى كۇشەيتۋ كەرەك دەگەن قورىتىندىعا كەلدىك. بۇل رەتتە ەكولوگيالىق ماسەلەلەر وزەكتىلىگى ارتا تۇسۋدە. سوڭىندا توراعا پارلامەنتارالىق وداق ءىس-شارالارىنىڭ ءبىرىن كەلەسى جىلى قازاقستان استاناسىندا وتكىزۋدى ۇسىنىپ, قازاقستاندىق پارلامەنتشىلەردى وداق پەن اسسامبلەيا ءىس-شارالارىنا قاتىسۋعا شاقىردى», دەپ جازدى ءماجىلىس سپيكەر.
