باعدات بايسادىقوۆ ەلوردانىڭ تىنىس-تىرشىلىگىن قامتاماسىز ەتەتىن نىسانداردى جاڭا جىلىتۋ ماۋسىمىنا دايىنداۋ بويىنشا جوسپارلى جۇمىس جۇرگىزىلىپ جاتقانىن مالىمدەدى.
ء«بىلىم بەرۋ جانە دەنساۋلىق ساقتاۋ وبەكتىلەرىن دايىنداۋ اياقتالۋ ساتىسىندا. ولار بويىنشا جۇمىستاردى 23 قىركۇيەككە دەيىن اياقتاۋ جوسپارلانۋدا. تۇرعىن ءۇي قورى بويىنشا دايىندىق 85%-دى قۇرايدى. جالپى العاندا, 2999 ءۇيدىڭ 2557-ءسى دايىن», دەدى باعدات بايسادىقوۆ.
بىراق بريفينگتە جىلۋ ناقتى قاي كۇنى بەرىلەتىنى ايتىلعان جوق.
ايتا كەتسەك, ەلوردادا جىلۋ بەس تاۋلىك ىشىندە سىرتقى اۋانىڭ ورتاشا تاۋلىكتىك تەمپەراتۋراسى +10 گرادۋس جانە ودان تومەن بولعان كەزدە بەرىلەدى. ءتيىستى شەشىمدى قالالىق اكىمدىك قابىلدايدى.
سوڭعى ەكى جىلدا نۇر-سۇلتانداعى جىلىتۋ ماۋسىمى قىركۇيەك ايىنىڭ سوڭىندا باستالعان ەدى.
حالىقتى كومىرمەن قامتاماسىز ەتۋ تۋرالى ايتا كەلە, سپيكەر قالادا 14 ساتۋ ورنى بار ەكەنىن, وندا سەگىز ساتۋشى كومپانيا جۇمىس ىستەپ جاتقانىن حابارلادى.
