ماۋلەن اشىمباەۆ دىندەر ليدەرلەرىنە فورۋمعا قاتىسىپ, قولداۋ كورسەتكەنى جانە ىنتىماقتاستىق تانىتقانى ءۇشىن ريزاشىلىعىن ءبىلدىردى.
ۆولوكولامسك ءميتروپوليتى, ماسكەۋ جانە بۇكىل رۋس پاتريارحىنىڭ ۆيكارى انتونيمەن كەزدەسۋدە قازىرگىدەي پوستپاندەميالىق كەزەڭدە مۇنداي سەزدىڭ ماڭىزدىلىعى ءسوز بولدى. تاراپتار فورۋم حالىقارالىق قوعامداستىققا ديالوگ پەن ءوزارا قولداۋ بۇگىندە بۇكىل الەم بەتپە-بەت كەلىپ وتىرعان سىن-قاتەرلەردى ءتيىمدى ەڭسەرۋدىڭ جالعىز جولى ەكەندىگىن دارىپتەيتىنىن ايتتى.
رەسەي فەدەراتسياسى مۇسىلماندارى ءدىني باسقارماسىنىڭ توراعاسى, رەسەي مۇفتيلەرى كەڭەسىنىڭ توراعاسى, ءمۇفتي-شەيح راۆيل گاينۋتدينمەن كەزدەسۋ بارىسىندا وسكەلەڭ ۇرپاققا ءبىلىم بەرۋ جانە ءدىني اعارتۋ تاقىرىپتارىنا باسا ءمان بەرىلدى.
سۇحباتتاسۋشىلار قازىرگى تاڭدا ءدىني قايراتكەرلەر, حالىقارالىق ۇيىمدار, ساياساتكەرلەر مەن پارلامەنتشىلەر جۇرتشىلىقتىڭ ەڭ ىقپالدى وكىلدەرى رەتىندە ەكسترەميزمگە قارسى جۇمىستارعا بەلسەندى قاتىسۋى كەرەكتىگىنە نازار اۋداردى.
ماۋلەن اشىمباەۆ پارلامەنتارالىق وداقتىڭ توراعاسى دۋارتە پاشەكۋمەن كەزدەسۋ كەزىندە اتالعان ۇيىمنىڭ سەزگە العاش رەت قاتىسىپ وتىرعانىن تىلگە تيەك ەتتى.
سونىمەن قاتار سەنات سپيكەرى مەيماندارعا ەل پرەزيدەنتى قاسىم-جومارت توقاەۆتىڭ باستاماسىمەن قازاقستاندا ىسكە اسىرىلىپ جاتقان ساياسي رەفورمالار تۋرالى ايتتى. سونداي-اق ماۋلەن اشىمباەۆ مەملەكەت باسشىسىنىڭ جولداۋىنداعى باسىم باعىتتارعا جانە پارلامەنت پەن ءماسليحاتتار دەپۋتاتتارىن سايلاۋ تەتىگىن وزگەرتۋدى كوزدەيتىن كونستيتۋتسيالىق رەفورماعا توقتالدى.
ءوز كەزەگىندە كەزدەسۋگە قاتىسۋشىلار قازاقستاننىڭ ەتنوسارالىق جانە دىنارالىق ديالوگتى ىلگەرىلەتۋگە جانە مادەني ارالۋاندىقتى قولداۋعا ارنالعان باستامالارىن جوعارى باعالادى. دىندەر كوشباسشىلارىنىڭ پىكىرىنشە, قازاقستاننىڭ وسى سالاداعى تابىستى تاجىريبەسى زەردەلەنىپ, تالقىلانىپ, باسقا ەلدەرگە ۇلگى بولۋعا ءتيىس.
