«اتموسفەرالىق فرونتالدى ۋچاسكەلەردىڭ وتۋىمەن باتىستا جاڭبىر جاۋادى, نايزاعاي وينايدى, بۇرشاق جاۋى مۇمكىن, شىعىستا جاۋىن-شاشىن بولادى, كەيدە قاتتى, جاڭبىر مەن بۇرقاسىن تۇرىندە بولادى. قازاقستان رەسپۋبليكاسىنىڭ باسىم بولىگىندە جەل سەكۋندىنا 15-20 مەترگە, وڭتۇستىك-شىعىستا ەكپىنى سەكۋندىنا 23-28 مەترگە دەيىن كۇشەيەدى, كۇندىز باتىستا, وڭتۇستىك-باتىستا, وڭتۇستىكتە شاڭدى جەل سوعادى دەپ كۇتىلۋدە», دەلىنگەن «قازگيدرومەت» رمك حابارلاماسىندا.
قىزىلوردا, تۇركىستان, جامبىل وبلىستارىنىڭ باسىم بولىگىندە, اتىراۋ وبلىسىنىڭ باتىسىندا توتەنشە ءورت قاۋپى ساقتالادى.
تۇندە اقمولا, قوستاناي وبلىستارىنىڭ سولتۇستىك-شىعىسىندا, سولتۇستىك قازاقستان وبلىسىنىڭ وڭتۇستىك-شىعىسىندا, باتىسىندا, پاۆلودار وبلىسىنىڭ وڭتۇستىگىندە, قاراعاندى وبلىسىنىڭ سولتۇستىك جارتىسىندا, سولتۇستىكتە, ۇلىتاۋدىڭ شىعىسىندا, شىعىستا قازاقستان وبلىستارىندا, اباي اۋدانىنىڭ سولتۇستىگىندە 1-3 گرادۋس ۇسىك جۇرەدى.
نۇر-سۇلتاندا كوشپەلى بۇلت شىعادى, جاۋىن-شاشىنسىز. جەل وڭتۇستىك-شىعىستان, شىعىستان تۇندە 2-7, كۇندىز سەكۋندىنا 5-10 مەتر سوعادى. اۋا تەمپەراتۋراسى تۇندە 2-4 گرادۋس جىلى, كۇندىز 16-18 گرادۋس جىلى.
الماتىدا كوشپەلى بۇلت شىعادى, جاۋىن-شاشىنسىز. سولتۇستىك-شىعىستان سەكۋندىنا 3-8 مەتر جىلدامدىقپەن جەل سوعادى. اۋا تەمپەراتۋراسى تۇندە 8-10 گرادۋس, كۇندىز 21-23 گرادۋس جىلى.
شىمكەنتتە كوشپەلى بۇلت شىعادى, جاۋىن-شاشىنسىز. شىعىستان 8-13 م/س جەل سوعادى. اۋا تەمپەراتۋراسى تۇندە 14-16 گرادۋس, كۇندىز 31-33 گرادۋسقا دەيىن جىلى بولادى.
