العاشقى بولىپ كورتقا ميحايل كۋكۋشكين شىقتى. الەمدىك رەيتينگتە 214-ورىندا تۇرعان جەرلەسىمىز تاللون گريكسپۋرمەن كۇش سىناستى. ارداگەر سپورتشىمىزدىڭ اتر تىزىمىندە 46-ساتىعا جايعاسقان 26 جاستاعى نيدەرلاندتىڭ وكىلىنە ءالى جەتپەدى – 1:6, 6:3, 3:6. ودان كەيىن الەكساندر بۋبليكتىڭ ونەرىن تاماشالادىق. ۇزدىكتەر رەيتينگىندە 44-ورىندى ەنشىلەگەن وتانداسىمىز بوتيك ۆان دە زاندشۋلپپەن سايىسقا ءتۇستى. مىقتىلاردىڭ تىزىمىندە ول بۋبليكتەن توعىز ساتى جوعارى ورنالاسقان. العاشقى سەتتە ءبىزدىڭ ويىنشى جەڭىسكە جەتكەنىمەن, قالعان ەكەۋى ۆان دە ءزاندشۋلپتىڭ پايداسىنا شەشىلدى – 6:3, 1:6, 4:6. جۇپتىق باسەكەدە قوس الەكساندر – بۋبليك پەن نەدوۆەسوۆ ۆەسلي كولحوۆ پەن ماتۆە ميددەلكوپتى قاپى قالدىردى – 6:4, 1:6, 6:3. قورىتىندى ەسەپ – 1:2.
ا توبىنداعى شۆەتسيا ارگەنتينادان 2:1 ەسەبىمەن ايلاسىن اسىردى. ۆ توبىنداعى كانادا وڭتۇستىك كورەيانى ۇتتى – 2:1. س توبىنداعى اۋستراليا بەلگياعا بەت قاراتپادى – 3:0. قازاقستاننىڭ تەننيسشىلەرى بۇگىن دەۆيس كۋبوگىنىڭ 32 دۇركىن جەڭىمپازى دەگەن اتاعى بار اقش قۇراماسىمەن كەزدەسەدى. بۇل كوماندانىڭ ساپىندا تەيلور فريتس, توممي پول, دجەك سوك جانە رادجيۆ رام سىندى ساڭلاقتار ونەر كورسەتۋدە. ال 18 قىركۇيەك كۇنى ۇلىبريتانيامەن كۇش سىناسامىز.
