وبلىس اكىمى سەرىك شاپكەنوۆ يندەر اۋداندىق ءماسليحاتىنىڭ دەپۋتاتتارىنا قر پرەزيدەنتى اكىمشىلىگىمەن كەلىسىلگەن جاڭا اكىمنىڭ كانديداتۋراسىن تانىستىردى. اۋداندىق ءماسليحاتتىڭ دەپۋتاتتارى جاڭا اكىم دارىن شامۇراتوۆتىڭ كانديداتۋراسىن قولداپ, داۋىس بەردى.
دارىن دۇيسەمباي ۇلى 1986 جىلى 16 جەلتوقساندا اتىراۋ وبلىسى, يندەر اۋدانى, بودەنە اۋىلىندا دۇنيەگە كەلگەن.
ءبىلىمى جوعارى, 2004 جىلى م.وتەمىسوۆ اتىنداعى باتىس قازاقستان مەملەكەتتىك ۋنيۆەرسيتەتىن گەوگرافيا ءپانىنىڭ مۇعالىمى, 2012 جىلى باتىس قازاقستان ينجەنەرلىك-گۋمانيتارلىق ۋنيۆەرسيتەتىن قارجى ماماندىعى بويىنشا بىتىرگەن.
ەڭبەك جولىن 2009 جىلى يندەر اۋدانىنداعى بودەنە اۋىلدىق وكرۋگى اكىمى اپپاراتىنىڭ باس مامانى بولىپ باستاعان.
2009-2012 جىلدارى يندەر اۋدانى اكىمى اپپاراتىندا جالپى ءبولىمنىڭ باس مامانى, يندەر اۋدانى اكىمى اپپاراتى جالپى ءبولىمنىڭ باسشىسى لاۋازىمىن اتقارعان.
2012-2017 جىلدارى يندەر اۋدانى اكىمى اپپاراتىنىڭ باسشىسى, 2017-2021 جىلدارى يندەر اۋدانى اكىمىنىڭ ورىنباسارى بولعان.
ال, 2021 جىلعى ناۋرىزدان وسى تاعايىنداۋعا دەيىن اتىراۋ وبلىسى اكىمى اپپاراتى باسشىسىنىڭ ورىنباسارى لاۋازىمىن اتقاردى.
وبلىس اكىمىنىڭ وكىمىمەن بۇعان دەيىن يندەر اۋدانىنىڭ اكىمى لاۋازىمىن اتقارعان سالاۋات وتەعۇلوۆ باسقا جۇمىسقا اۋىستى.
