ەرلان وماروۆ «Egemen Qazaqstan»
«سوڭعى بىرنەشە ونجىلدىقتارداعى تابيعي اپاتتار, اسىرەسە كليماتتىڭ وزگەرۋىمەن جانە ولاردىڭ سالدارىمەن بايلانىستى وزگەرىستەر شامامەن 3 ترلن اقش دوللارىنا باعالاندى. وعان قوسا, وكىنىشكە قاراي, سەنىمسىزدىك, شيەلەنىستەر مەن قاقتىعىستار حالىقارالىق قاتىناستارعا قايتا ورالدى», دەدى پرەزيدەنت الەمدىك جانە ءداستۇرلى دىندەر ليدەرلەرىنىڭ وتىرىسىندا.
سونداي-اق مەملەكەت باسشىسى سانكتسيالار مەن كۇش قولدانۋ ەشقاشان ماسەلەنى شەشپەيتىنىن ايتتى.
«بۇگىنگى سىن-قاتەرلەرمەن كۇرەسۋ ءۇشىن ءبىز نە نارسەگە سۇيەنە الامىز؟ تاريح ءبىر عانا جاۋاپ بەرەدى – ىزگى نيەت, ديالوگ جانە ىنتىماقتاستىق. تابىسقا جەتۋدىڭ باسقا بالاماسى جوق. قازاقستان ءاردايىم كەلىسپەۋشىلىكتەردى بۇۇ جارعىسى رۋحىندا كەلىسسوزدەر ۇستەلىندە رەتتەۋگە تىرىستى. سانكتسيالار, سانكتسيالار قاۋپى جانە كۇش قولدانۋ ەشقاشان ماسەلەنى شەشپەيدى», دەدى ق. توقاەۆ.
