جاستار جارقىراي كورىنگەن تۋرنير

اقتوبە قالاسىنداعى “قونىس” سپورت سارايى ءتورت كۇن بويى بوكس سپەكتاكلىنىڭ ارەناسىنا اي­نال­دى.  سەبەبى, مۇندا وليمپيا ويىندارىنىڭ كۇمىس جۇلدەگەرى, الەم كۋبوگىنىڭ ەكى دۇركىن يەگەرى, ەكى مارتە ەۋروپا چەمپيونى, كسرو-عا ەڭبەك سىڭىرگەن سپورت شەبەرى سەرىك قو­ناق­باەۆ­تىڭ جۇلدەسى ءۇشىن بوكستان ءXVىىى حا­لىق­ارالىق تۋر­نير ءوتتى. قازاقستان, رەسەي, اقش, تاجىكستان, ارمەنيا, تۇركىمەنستان, وزبەكستان, ۋكراينادان, سونداي-اق ەلىمىزدىڭ بارلىق وبلىستارىنان 140-قا جۋىق بىلعارى قولعاپ شەبەرى اراسىندا وتكەن تارتىستى كەزدەسۋلەردە وزا شىققان 11 سالماقتاعى 22 بوكسشى فينالعا جولداما الدى. بىلعارى قولعاپ شە­بەرلەرىنىڭ اقتىق سىندارىن تاماشالاۋعا جان­كۇيەرلەر كوپ جينالدى. فينالدىق كەزدەسۋلەر شىمىلدىعىن اشقان 48 كيلوگرامم سالماق دارەجەسىندەگى اقتوبەلىك اقنيەت بەكجانوۆ پەن اقمولالىق تەمىرتاس ءجۇسىپوۆ ارا­سىن­داعى جەكپە-جەك تارتىستى ءوتتى. ءوزىنىڭ قار­سى­لاسىنان تاجىريبەلىلەۋ تەمىرتاس ءجۇسىپوۆ 3:2 ەسە­بىمەن جەڭىسكە جەتتى. سپورت شەبەرلىگىنەن ۇمىتكەر ون سەگىز جاسار قايرات تورەبەك ۇلى جەرلەسىنىڭ ەسە­سىن قايتارىپ, 51 كيلوگرامدا استانالىق ازات ماح­مەتوۆتەن باسىم ءتۇستى. 54 كيلوگرامم سالماق دارە­جەسىندە استانا قالاسىنىڭ بوكسشىسى, سپورت شەبەرى دانيار توقباەۆتى ەلىمىزدىڭ قۇراما كو­مان­داسىنىڭ مۇشەسى تەمىربەك ديحانباەۆ ءبىر ۇپاي ايىر­ما­شى­لىعىمەن ۇتتى. 57 كيلوگرامم سالماق ءدا­رە­جە­سىندە اقتوبەلىك ءمادي شولاقوۆ جەر­لەس­تەرىنىڭ مە­رەيىن ۇستەم ەتىپ, اقمولا وبل­ى­سى­نىڭ بوكس­شىسى جاندوس مومىنوۆتى 4:1 ەسەبىمەن جەڭدى. 60 كيلوگرامم سالماقتا سىنعا تۇسكەن قازاقستان قۇراما كومانداسىنىڭ مۇشەسى ايدار ومىرزاقوۆ پەن اقتوبەلىك بەرىك ابدراحمانوۆ اراسىنداعى كەز­دە­سۋدىڭ تارتىستى وتكەنى سونداي, سوڭعى ساتتەرگە دەيىن جەڭىس تىزگىنىن كىم ۇستايتىنى بەلگىسىز بولدى. بۇل جولى قارسىلاسىنا ءبىر سوققى ارتىق دارىتقان ا.ومىرزاقوۆ باسىمدىق تانىتتى. 64 كيلوگرامم سال­ماقتا ونەر كورسەتكەن سەمەيلىك بوكسشى ا.قاسىموۆ قار­سىلاسىنىڭ جاراقات الىپ قالۋىنا بايلانىستى بايگەنى شاپپاي الدى. 69 كيلوگرامم سالماق دارەجەسىندە سىنعا تۇسكەن رەسەيلىك مۇقامەتقالي مۇساەۆ پەن اقش-تىڭ بىلعارى قولعاپ شەبەرى دجەري فيورەنتينو ادەمى بوكس كورسەتتى. ءوز ەلىنىڭ بيىلعى بىرىنشىلىگىندە جۇلدەگەرلەر قاتارىنان كورىنگەن رەسەيلىك بوكسشى وسال قارسىلاس بولماي شىقتى. ول د.فيورەنتينانىڭ قانشا قارسى­لاس­قانىنا قاراماستان, ۇزدىكسىز شابۋىلداپ, جەڭىسكە جەتتى. 75 كيلوگرامم سالماق دارەجەسىندە اقتوبەلىك رافايل ابباسوۆ ەلىمىز قۇراما كومانداسىنىڭ ءمۇ­­شەسى نۇرداۋلەت جارمانوۆپەن كەزدەستى. ن.جار­ما­نوۆ ەلى­مىز­دىڭ قۇراما كومانداسىنا بە­كەردەن-بەكەر قابىل­دان­باعانىن ايقىن ءدا­لەل­دەدى, 15:4 ەسەبىمەن جەڭىپ, قار­سىلاسىنان كوش ىلگەرى ەكەنىن بايقاتتى. 81 كيلوگرامم سالماقتا تاجىكستان قۇراما كومان­د­ا­­سىنىڭ ۇكىلەپ قوسقان ۇمىتكەرى دەلەبەرجان ابدۋراحمانوۆ اقمولا وب­لىسىنىڭ بوكسشىسى ءمادي قابيەۆتىڭ شەبەرلىگىن مو­يىنداۋىنا تۋرا كەلدى. ال, 91 كيلوگرامم سالماقتا ال­ماتىلىق نۇرجان بەكزاتوۆ پەن پاۆلودار بوكسىنىڭ ءتۇ­ل­ەگى سەرگەي گونچاروۆ قولعاپ ءتۇيىستىردى. بۇل كەزدەسۋ ۇپاي سانىمەن تەڭ اياقتالعانىمەن, ن. بەكزاتوۆتىڭ ءسال بەلسەندىلىك كورسەتۋى تارازى باسىن وزىنە اۋدارىپ اكەتتى. ول تۋرنير جەڭىمپازى اتاندى. ءتۋرنيردىڭ اشقان جاڭا ەسىمى – ول 91 كي­لو­گرام­نان جوعارى سالماقتا سىنعا تۇسكەن اتىراۋلىق راحمان ءالجانوۆ بولدى دەسەك, ارتىق ايتقاندىق ەمەس. شيرەك فينالدا بەلگىلى بىلعارى قولعاپ شەبەرى رۋسلان ىرگەباەۆتىڭ جولىن كەسكەن ون سەگىز جاسار بوكسشىنىڭ رينگتى سەزىنۋى كورەرمەندەر كوڭىلىنەن شىقتى. قازاقستان قۇراما كومانداسىنىڭ مۇشەسى, ون توعىز جاستاعى ايدار ومىرزاقوۆ سەرىك قوناق­باەۆ­تىڭ جۇلدەسى ءۇشىن وتكەن ءحVىىى حالىقارالىق ءتۋرنيردىڭ ەڭ ۇزدىك بوكسشىسى اتاندى. تۋرنيردە ءبىرىنشى ورىن العان بوكسشىعا 4 مىڭ, ەكىنشى ورىنعا 3 مىڭ جانە ءۇشىنشى ورىن العانداردىڭ ءار­قايسىسىنا 1,5 مىڭ اقش دوللارى كولەمىندە اقشالاي سىيلىق ۇسىنىلدى. بۇل جاستار جارقىراي كورىنگەن جارىس بولدى. شەبەرلىگىن الەم مويىنداعان اتاقتى بىلعارى قولعاپ شەبەرى, پارلامەنت ءماجىلىسىنىڭ دەپۋتاتى سەرىك قوناقباەۆ ءتۋرنيردىڭ ۇيىمداستىرىلۋىنا جوعارى باعا بەردى. سونىمەن, ءتورت كۇن بويى جانكۇيەرلەر كوڭىلىن كۇپتى ەتكەن جارىس مارەسىنە جەتتى. اقتوبەلىكتەر ەلىمىزدە ءتاپ-ءتاۋىر جاس بوكسشىلار ءوسىپ كەلە جاتقانىن كوردى. ساتىبالدى ءساۋىرباي, اقتوبە.