قازاقستان رەسپۋبليكاسى ۇكىمەتىنىڭ قاۋلىسى №260

2014 جىلعى 26 ناۋرىز, استانا, ۇكىمەت ءۇيى وبلىستىق بيۋدجەتتەردىڭ, استانا جانە الماتى قالالارى بيۋدجەتتەرىنىڭ 2014 جىلعا ارنالعان رەسپۋبليكالىق بيۋدجەتتەن باستاۋىش, نەگىزگى ورتا جانە جالپى ورتا ءبىلىمدى جان باسىنا شاققانداعى قارجىلاندىرۋدى سىنامالاۋعا بەرىلەتىن اعىمداعى نىسانالى ترانسفەرتتەردى پايدالانۋ قاعيدالارىن بەكىتۋ تۋرالى «2014-2016 جىلدارعا ارنالعان رەسپۋبليكالىق بيۋدجەت تۋرالى» 2013 جىلعى 3 جەلتوقسانداعى قازاقستان رەسپۋبليكاسى زاڭىنىڭ 14-بابىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. قوسا بەرىلىپ وتىرعان وبلىستىق بيۋدجەتتەردىڭ, استانا جانە الماتى قالالارى بيۋدجەتتەرىنىڭ 2014 جىلعا ارنالعان رەسپۋبليكالىق بيۋدجەتتەن باستاۋىش, نەگىزگى ورتا جانە جالپى ورتا ءبىلىمدى جان باسىنا شاققانداعى قارجىلاندىرۋدى سىنامالاۋعا بەرىلەتىن اعىمداعى نىسانالى ترانسفەرتتەردى پايدالانۋ قاعيدالارى بەكىتىلسىن. 2. اقمولا, اقتوبە, الماتى, شىعىس قازاقستان جانە وڭتۇستىك قازاقستان وبلىستارىنىڭ اكىمدەرى: 1) بولىنگەن اعىمداعى نىسانالى ترانسفەرتتەردىڭ ۋاقتىلى جانە ماقساتتى پايدالانىلۋىن; 2) قازاقستان رەسپۋبليكاسى ءبىلىم جانە عىلىم مينيسترلىگىنە ەسەپتى ايدان كەيىنگى ايدىڭ 5-كۇنىنە دەيىن بولىنگەن اعىمداعى نىسانالى ترانسفەرتتەردىڭ پايدالانىلۋى تۋرالى ەسەپتەر بەرۋدى قامتاماسىز ەتسىن. 3. قازاقستان رەسپۋبليكاسى ءبىلىم جانە عىلىم مينيسترلىگى اقمولا, اقتوبە, الماتى, شىعىس قازاقستان جانە وڭتۇستىك قازاقستان وبلىستارى بيۋدجەتتەرىنىڭ رەسپۋبليكالىق بيۋدجەتتەن بەرىلەتىن اعىمداعى نىسانالى ترانسفەرتتەردى پايدالانۋ مونيتورينگىن قامتاماسىز ەتسىن. 4. وسى قاۋلى 2014 جىلعى 1 قاڭتاردان باستاپ قولدانىسقا ەنگىزىلەدى جانە رەسمي جاريالانۋعا ءتيىس. قازاقستان رەسپۋبليكاسىنىڭ پرەمەر-ءمينيسترى س.احمەتوۆ. قازاقستان رەسپۋبليكاسى ۇكىمەتىنىڭ 2014 جىلعى 26 ناۋرىزداعى №260 قاۋلىسىمەن بەكىتىلگەن وبلىستىق بيۋدجەتتەردىڭ, استانا جانە الماتى قالالارى بيۋدجەتتەرىنىڭ 2014 جىلعا ارنالعان رەسپۋبليكالىق بيۋدجەتتەن باستاۋىش, نەگىزگى ورتا جانە جالپى ورتا ءبىلىمدى جان باسىنا شاققانداعى قارجىلاندىرۋدى سىنامالاۋعا بەرىلەتىن اعىمداعى نىسانالى ترانسفەرتتەردى پايدالانۋ قاعيدالارى 1. وسى وبلىستىق بيۋدجەتتەردىڭ, استانا جانە الماتى قالالارى بيۋدجەتتەرىنىڭ 2014 جىلعا ارنالعان رەسپۋبليكالىق بيۋدجەتتەن باستاۋىش, نەگىزگى ورتا جانە جالپى ورتا ءبىلىمدى جان باسىنا شاققانداعى قارجىلاندىرۋدى سىنامالاۋعا بەرىلەتىن اعىمداعى نىسانالى ترانسفەرتتەردى پايدالانۋ قاعيدالارى (بۋدان ءارى – قاعيدالار) 089 «وبلىستىق بيۋدجەتتەرگە, استانا جانە الماتى قالالارىنىڭ بيۋدجەتتەرىنە باستاۋىش, نەگىزگى ورتا جانە جالپى ورتا ءبىلىمدى جان باسىنا شاققانداعى قارجىلاندىرۋدى سىنامالاۋعا بەرىلەتىن اعىمداعى نىسانالى ترانسفەرتتەر» رەسپۋبليكالىق بيۋدجەتتىك باعدارلاماسى بويىنشا وبلىستىق بيۋدجەتتەرگە, استانا جانە الماتى قالالارىنىڭ بيۋدجەتتەرىنە رەسپۋبليكالىق بيۋدجەتتەن بولىنەتىن اعىمداعى نىسانالى ترانسفەرتتەردى (بۋدان ءارى – نىسانالى ترانسفەرتتەر) پايدالانۋ ءتارتىبىن ايقىندايدى. 2. وسى قاعيدالاردا مىناداي ۇعىمدار پايدالانىلادى: 1) ءبىلىم بەرۋ پروتسەسى – ءبىلىم بەرۋ قىزمەتىن جۇزەگە اسىراتىن ۇيىم ىسكە اسىراتىن ءبىلىم بەرۋ باعدارلامالارىن ىسكە اسىرۋ شەڭبەرىندە پەداگوگيكالىق تۇرعىدا نەگىزدەلگەن وقىتۋ, تاربيەلەۋ جانە دامىتۋ پروتسەسى; 2) ءبىلىم بەرۋ پروتسەسىن قارجىلاندىرۋ كولەمىنە كىرەتىن ىنتالاندىرۋ بولىگى – باستاۋىش, نەگىزگى ورتا جانە جالپى ورتا ءبىلىم بەرۋ ۇيىمدارىنىڭ قىزمەتكەرلەرىنە سىيلىقاقىلار تولەۋگە جانە ولاردىڭ ەڭبەكاقىسىن قىزمەت ناتيجەلەرىنە قاراي سارالاۋ ماقساتىندا ىنتالاندىرۋ ۇستەمەاقىلارىن بەلگىلەۋگە, سونداي-اق باستاۋىش, نەگىزگى ورتا جانە جالپى ورتا ءبىلىم بەرۋ ۇيىمدارىنىڭ ءبىلىم بەرۋ پروتسەسىنە بايلانىستى باسقا دا قاجەتتىلىكتەردى وتەۋگە كوزدەلگەن رەسپۋبليكالىق بيۋدجەت قاراجاتى. 3. وبلىستىق بيۋدجەتتەرگە, استانا جانە الماتى قالالارىنىڭ بيۋدجەتتەرىنە باستاۋىش, نەگىزگى ورتا جانە جالپى ورتا ءبىلىمدى جان باسىنا شاققانداعى قارجىلاندىرۋدى سىنامالاۋعا بولىنگەن اعىمداعى نىسانالى ترانسفەرتتەردى پايدالانۋ قازاقستان رەسپۋبليكاسىنىڭ بيۋدجەت زاڭناماسىندا بەلگىلەنگەن تارتىپپەن, وسى قاعيدالاردىڭ ەرەكشەلىكتەرى ەسكەرىلە وتىرىپ جۇزەگە اسىرىلادى. 4. نىسانالى ترانسفەرتتەر: 1) جۇمىس بەرۋشىنىڭ جارنالارعا ەسكەرە وتىرىپ, جان باسىنا شاققانداعى قارجىلاندىرىلاتىن باستاۋىش, نەگىزگى ورتا جانە جالپى ورتا ءبىلىم بەرۋ ۇيىمدارىنىڭ قىزمەتكەرلەرىنە جالاقى تولەۋگە; 2) ءبىر ءبىلىم الۋشىعا شاققانداعى اعىمداعى قارجى جىلىنا ءبىر ايلىق ەسەپتىك كورسەتكىش ەسەبىنەن وقۋ شىعىستارىن تولەۋگە; 3) جالاقى مەن وقۋ شىعىستارىن تولەۋگە ارنالعان شىعىستاردان ون پايىز مولشەرىندە ءبىلىم بەرۋ پروتسەسىن قارجىلاندىرۋ كولەمىنە كىرەتىن ىنتالاندىرۋ بولىگىن تولەۋگە پايدالانىلادى. 5. قازاقستان رەسپۋبليكاسى ءبىلىم جانە عىلىم مينيسترلىگى: 1) اقمولا, اقتوبە, الماتى, شىعىس قازاقستان جانە وڭتۇستىك قازاقستان وبلىستارىنىڭ اكىمدەرىمەن اعىمداعى نىسانالى ترانسفەرتتەر بويىنشا ناتيجەلەر تۋرالى كەلىسىمدەر (بۇدان ءارى – كەلىسىم) جاساسادى; 2) بيۋدجەت زاڭناماسىندا بەلگىلەنگەن تارتىپپەن تولەمدەر بويىنشا قارجىلاندىرۋ جوسپارلارىنا جانە كەلىسىمدەرگە سايكەس رەسپۋبليكالىق بيۋدجەتتەن اقمولا, اقتوبە, الماتى, شىعىس قازاقستان جانە وڭتۇستىك قازاقستان وبلىستارىنىڭ بيۋدجەتتەرىنە اعىمداعى نىسانالى ترانسفەرتتەردى اۋدارۋدى جۇرگىزەدى. 6. اقمولا, اقتوبە, الماتى, شىعىس قازاقستان جانە وڭتۇستىك قازاقستان وبلىستارىنىڭ جەرگىلىكتى اتقارۋشى ورگاندارى جەكە قارجىلاندىرۋ جوسپارلارىنا سايكەس جانە جاسالعان كەلىسىمنىڭ نەگىزىندە رەسپۋبليكالىق بيۋدجەتتەن بەرىلەتىن اعىمداعى نىسانالى ترانسفەرتتەردىڭ سومالارىن نىسانالى ماقساتى بويىنشا پايدالانادى. 7. اقمولا, اقتوبە, الماتى, شىعىس قازاقستان جانە وڭتۇستىك قازاقستان وبلىستارىنىڭ جەرگىلىكتى اتقارۋشى ورگاندارى قازاقستان رەسپۋبليكاسى ءبىلىم جانە عىلىم مينيسترلىگىنە كەلىسىمدەرگە سايكەس بولىنگەن نىسانالى ترانسفەرتتەردى پايدالانۋ ەسەبىنەن قول جەتكىزىلگەن تىكەلەي جانە تۇپكىلىكتى ناتيجەلەر تۋرالى ەسەپ بەرەدى. 8. قازاقستان رەسپۋبليكاسى ءبىلىم جانە عىلىم مينيسترلىگى قازاقستان رەسپۋبليكاسى قارجى مينيسترلىگىنە نىسانالى ترانسفەرتتەردى پايدالانۋ مونيتورينگىنىڭ ناتيجەلەرى تۋرالى ەسەپ بەرەدى.