بۇل – ءجيى كوتەرىلەتىن ماسەلە. بىراق سول ماسەلە كۇيىندە قالا بەرەتىن. شەشىمىن تاۋىپ جاتقان جاعدايلار تىم سيرەك. جاقىندا بۇل تۇيتكىلگە مەملەكەت باسشىسىنىڭ ءوزى كوڭىل اۋداردى. قاسىم-جومارت توقاەۆ نەسيە رەسۋرستارىنىڭ تاپشىلىعى وتاندىق بيزنەس ءۇشىن ۇلكەن پروبلەما بولىپ وتىر دەپ اشىعىن ايتتى.
«قازاقستاندا شاعىن جانە ورتا بيزنەستى قارجىلاندىرۋ ءۇشىن 42 ميلليارد دوللارعا جۋىق قاراجات جەتىسپەيدى. سويتە تۇرا, بانكتەردە تريلليونداعان تەڭگە قارجى ءىس جۇزىندە ەكونوميكاعا ەش پايداسىن تيگىزبەي بوسقا جاتىر. ۇلتتىق بانك, قارجى نارىعىن رەتتەۋ جانە دامىتۋ اگەنتتىگى, ۇكىمەت بىرلەسىپ, ناقتى سەكتوردى تۇراقتى ءارى قولجەتىمدى نەسيەمەن قامتاماسىز ەتەتىن ناقتى شەشىمدەر قابىلداۋعا ءتيىس. ۇلتتىق بانك قازىرگى احۋالدىڭ وتە كۇردەلى ەكەنىن ەسكەرە وتىرىپ, بارىنشا يكەمدى قيمىلداۋى, ءتىپتى تاپقىرلىق تانىتۋى كەرەك. شەتەلدەردە بۇعان قاتىستى وڭ تاجىريبەلەر بار», دەدى پرەزيدەنت.
اگەنتتىك توراعاسى ءمادينا ابىلقاسىموۆانىڭ ايتۋىنشا, كورپوراتيۆتىك سەكتورعا كرەديت بەرۋدى كەڭەيتۋ ءۇشىن بىرلەسكەن جۇيەلى شارالار قابىلداۋ قاجەت.
كەڭەس بارىسىندا كورپوراتيۆتىك كرەديت بەرۋدى كەڭەيتۋدى شەكتەيتىن كەدەرگىلەر تالقىلاندى, سونداي-اق ءتيىستى شارالار ۇسىنىلدى. اتاپ ايتقاندا, بيزنەسكە كرەديت بەرۋدى ىنتالاندىرۋ بويىنشا رەتتەۋشىلىك شارالار, بانكتەردى ۇزاقمەرزىمدى قورلاندىرۋ كوزدەرىن كەڭەيتۋ جونىندەگى ۇسىنىستار, سونداي-اق ناقتى سەكتورعا كرەديت بەرۋدى قولداۋ باعدارلامالارىنا ۇسىنىستار تالقىلاندى.
اگەنتتىك قارىز الۋشىلاردىڭ ءوزارا بايلانىسى ولشەمشارتتارىن وڭايلاتۋ جانە جوعارى ءوتىمدى قامتاماسىز ەتۋ تاۋەكەلىنىڭ سوماسىنان شەگەرىلەتىن تىزبەنى كەڭەيتۋ ەسەبىنەن ءبىر قارىز الۋشىعا تاۋەكەلدى ەسەپتەۋ ءتارتىبىن وڭتايلاندىرۋدى (ك3 ءنورماتيۆى) ۇسىندى.
بيزنەسكە كرەديت بەرۋدى ىنتالاندىرۋ ءۇشىن 2024 جىلعا دەيىن شاعىن جانە ورتا بيزنەس كرەديتتەرى مەن سينديكاتتالعان قارىزداردى تاۋەكەل-سارالاۋدىڭ تومەندەتىلگەن ماندەرىن 50 پايىز دەڭگەيىندە ۇزارتۋ ۇسىنىلدى. بۇدان باسقا, كرەديتتەردىڭ قۇنسىزدانۋ ولشەمشارتتارىن وڭتايلاندىرۋ جانە كوممەرتسيالىق جانە تۇرعىن جىلجىمايتىن م ۇلىك, اينالىمداعى تاۋارلار, off-take كەلىسىمشارتتارى جانە مەملەكەت-جەكەمەنشىك ارىپتەستىگى شارتتارى بويىنشا اقشا تۇسىمدەرى تۇرىندەگى كەپىلدەر بويىنشا وتىمدىلىك ماندەرىن ارتتىرۋ ەسەبىنەن بانكتەردىڭ كەپىل ساياساتىنا قويىلاتىن تالاپتاردى تومەندەتۋ جوسپارلانۋدا.
سونىمەن بىرگە بانكتەردىڭ ۇزاقمەرزىمدى كرەديتتىك رەسۋرستارىن كەڭەيتۋ ءۇشىن 2024 جىلعى 1 شىلدەگە دەيىن وتىمدىلىكتى وتەۋ جانە نەتتو تۇراقتى قورلاندىرۋ نورماتيۆتەرىنىڭ تومەندەتىلگەن ماندەرىنىڭ قولدانىلۋى ۇزارتىلادى.
«سامۇرىق-قازىنا» ۇاق» اق, «بايتەرەك» ۇبح» اق جانە ققق وكىلدەرى ءىرى جوبالاردى بىرلەسىپ قارجىلاندىرۋ جانە سينديكاتتالعان كرەديت بەرۋ بويىنشا ۇسىنىستار ۇسىندى. 2021 جىلى سينديكاتتالعان كرەديت بەرۋدى دامىتۋ ءۇشىن زاڭنامالىق نەگىزدەر جاسالعانىن اتاپ وتكەن ءجون. قازىرگى ۋاقىتتا ەكىنشى دەڭگەيدەگى بانكتەر «قازاقستاننىڭ دامۋ بانكى» اق-پەن بىرلەسىپ سينديكاتتالعان قارجىلاندىرۋدىڭ بىرلەسكەن جوبالارىن ىسكە اسىرۋ مۇمكىندىكتەرىن قاراستىرۋدا», دەلىنگەن اگەنتتىك حابارلاماسىندا.
ءوز كەزەگىندە قازاقستان قارجىگەرلەرىنىڭ قاۋىمداستىعى جەر قويناۋىن پايدالانۋ قۇقىقتارىن جانە كەپىلگە قويىلعان جەرلەردى وتكىزگەن كەزىندەگى كەدەرگىلەردى اتاپ وتكەن. قاۋىمداستىق ساراپشىلارىنىڭ سوزىنە قاراعاندا, ونداي كەدەرگىلەر كرەديت بەرۋدى كەڭەيتۋدى شەكتەيدى. بۇدان باسقا, قازاقستان قارجىگەرلەرىنىڭ قاۋىمداستىعى ورتا جانە ءىرى بيزنەس سۋبەكتىلەرىنىڭ جوبالارىنا پورتفەلدىك كەپىلدىك بەرۋ تەتىگىن كەڭەيتۋ بويىنشا شارالار ۇسىندى.
