قوس ديپلوم بەرەتىن باعدارلاما

وسىدان ءبىر جىل بۇرىن اقش-تىڭ اريزونا ۋنيۆەرسيتەتى، م.قو­زى­باەۆ اتىنداعى سقۋ مەن ءبىلىم جانە عىلىم مي­نيس­تر­لىگى اراسىندا ۇشجاقتى مە­مو­­ران­دۋمعا قول قويىلدى. بىر­لەس­كەن باعدارلامالار بويىنشا وقىتۋ ءۇش تىلدە – اعىلشىن، قازاق جانە ورىس تىلدەرىندە جۇر­­گى­زىلىپ، IT، ينجەنەريا، اگروتەح­نو­لوگيا مەن بيوتەحنولوگيا سالالا­رىندا ماماندار دايار­­لايدى جانە ستۋدەنتتەردىڭ وقۋىنا گرانتتار بەرىلەدى. وقۋ پروتسە­سىن تولىق اياقتاعان ستۋدەنتتەر م.قوزى­با­ەۆ جانە اريزونا ۋني­ۆەر­سي­تەت­تە­رىنىڭ ديپلومىن الادى.

الەمنىڭ جوعارى ستاندارتتارىنا سايكەس ءبىلىم الاتىن ستۋدەنتتەرگە ارنالعان جاڭا وقۋ كام­پۋسى سالىندى. ۋنيۆەرسيتەت وبلىس اكىمدىگىنىڭ قول­دا­ۋىمەن قاجەتتى قۇرال-جاب­دىق­تارمەن قامتاماسىز ەتىلدى. ەلىمىزدىڭ بارلىق وڭىرىنەن قوس ديپلوم الۋعا قول سوزعان 170 ستۋدەنت ىرىكتەلدى. بۇگىندە ستۋدەنت­تەر­دىڭ جاتاقحاناسى دا دايىن.

جۋىردا جاڭا جوبانىڭ تۇساۋ­كەسەر راسىمىنە سولتۇستىك قازاق­ستان وبلىسىنىڭ اكىمى قۇمار اقساقالوۆ، عىلىم جانە جوعارى ءبىلىم ءمينيسترى ساياسات نۇربەك، اريزونا ۋنيۆەرسيتەتىنىڭ ۆيتسە-پرەزيدەنتى ليزل فولكس جانە اقش-تىڭ قازاقستانداعى ۋاقىت­شا سەنىمدى وكىلى دەۆيد السي قا­تىستى. سالتاناتتى جيىندى م.قوزىباەۆ ۋنيۆەرسيتەتىنىڭ رەكتورى ەرلان شولانوۆ اشىپ، ستۋدەنتتەر مەن اتا-انالاردى، زيالى قاۋىم وكىلدەرىن جاڭا جوبانىڭ باستالۋىمەن قۇتتىقتادى.

ء«بىز ۋادەمىزدە تۇردىق. بيىل­عى تىنىمسىز ەڭبەگىمىزدىڭ ار­قا­­سىندا قوس ديپلوم باعدار­لاماسىنا قاتىساتىن ستۋدەنت­تەر­دى قابىلداپ، ولاردىڭ وقۋىنا مۇم­كىندىك تۋدىراتىن بارلىق جاع­دايدى جاسادىق. وسى ىستە ءبىزدى قولداپ، بارىنشا كومەكتەسكەن وبلىس اكىمدىگىنە، عىلىم جانە ءبىلىم مينيسترلىگىنە ايتار العىسىمىز شەكسىز. ءبىزدىڭ ستۋدەنتتەرىمىز ءتورتىنشى كۋرستان باستاپ اريزونا ۋنيۆەرسيتەتىندە وقيتىن بولادى. بۇل – الەمدەگى ەڭ تاڭداۋلى وقۋ ورىندارىنىڭ ءبىرى. ونىڭ 1 700 وقىتۋشى-پەداگوگتەرىنىڭ اراسىندا 5 نوبەل سىيلىعىنىڭ لاۋرەا­تى، 7 پۋليتتسەر سىيلىعىنىڭ يەگەرى بار. وسىنىڭ وزىنەن-اق ءبىلىمنىڭ جوعارى دەڭگەيدە بولاتىنىن كورۋگە بولادى»، دەدى ول.

وبلىس اكىمى ق.اقساقالوۆ بيىل وقۋعا تۇسكەن جاستاردى جانە ولاردىڭ اتا-انالارىن جاس تا­لاپ­كەرلەردىڭ جوعارى بەلەسى­مەن قۇتتىقتادى.

«بۇل – ءبىزدىڭ ۋنيۆەرسي­تە­تىمىزدىڭ تاريحىندا وتە ماڭىز­دى كەزەڭ. جوبا ءوڭىردىڭ دامۋىنا وڭ اسەرىن تيگىزەتىنىنە سەنىم­دىمىن. ەلىمىزدىڭ تۇكپىر-تۇك­پى­رىنەن كەلگەن 170 ستۋدەنتتى قابىل­دادىق. ال­داعى جوسپار – ۋني­ۆەر­سي­تە­تى­مىزدە ءبىلىم الۋشىلار سانىن 10 مىڭعا جەتكىزۋ. بولاشاقتا پەتروپاۆلدى ستۋدەنت جاستاردىڭ قالاسىنا اينالدىرامىز»، دەدى وبلىس اكىمى.

سالتاناتتى شاراعا قاتىسقان عىلىم جانە جوعارى ءبىلىم ءمي­نيسترى ساياسات نۇربەك ءوزىنىڭ قۇتتىقتاۋ ءسوزىن قازاق، ورىس جانە اعىل­شىن تىلدەرىندە جەتكىزدى. «مەم­لەكەت باسشىسىنىڭ تاپسىرماسى بويىنشا ءبىز الەمگە تانىمال شەتەلدىك ۋنيۆەرسيتەتتەردىڭ بەس فيليالىن اشامىز. ازىرگە ونىڭ ۇشەۋى اشىلدى. بۇعان دەيىن الماتى، اتىراۋ قالالارىندا اشىلسا، بۇگىن ءۇشىنشى فيليال
پەتروپاۆل قالاسىندا اشىلىپ وتىر. العاش رەت اريزونا ۋني­ۆەرسيتەتىنىڭ ۇلكەن فيليالىن اشىپ وتىرمىز. اريزونا ۋنيۆەرسيتەتى سوڭعى 5 جىلدا اقش-تىڭ يننوۆاتسيالىق ەڭ جوعارى وقۋ ورىندارىنىڭ رەي­تينگىسىنە كىرگەن»، دەدى مينيستر.

اريزونا ۋنيۆەرسيتەتىنىڭ ۆيتسە-پرەزيدەنتى ليزل فولكس ستۋدەنت­تەرگە ەكى بىردەي جوعارى وقۋ ورنىنىڭ وقىتۋشىلارى مەن پروفەسسورلارى ءدارىس بەرە­تىنىن ايتتى. «قوس ديپلوم باع­دارلاماسى بويىنشا وقۋعا تۇسكەن ستۋدەنتتەر 4-كۋرستا اري­زونا ۋني­­ۆەرسيتەتىنىڭ كامپۋسىندا ءبى­لىم الادى. ءدال وسى باعدارلاما با­سەكەگە قابىلەتتى ستۋدەنتتەردى دايار­لاۋعا مۇمكىندىك بەرەدى»، دەدى ول.

ۋنيۆەرسيتەتتىڭ جاڭا كامپۋ­سىنىڭ زاماناۋي وقۋ اۋديتوريالارى، دەمالىس بولمەلەرى جارىق ءارى كەڭ. ءىس-شاراعا قاتىسۋشىلارعا ۋنيۆەر­سيتەتتىڭ جاڭا وقۋ-زەرت­حانالىق كورپۋسىنىڭ عىلىمي ورتا­لىقتارى بويىنشا ەكسكۋرسيا ءوتتى.

پەتروپاۆل